Ebərəje 11 سے مشہور بائبلی آیات

شئیر

Takagə to ne gə kəm dəw o ang ja ngaa unda m-e kəne to gə ne le ga̰ tɔgərɔ ja. Gə go takagə lə nje gə ləw le ɓa ꞌpa ne tar naji lə-je gə maj-ɛ.

Be ɓa ɓo takagə godo nama ɗəw gə dəw a ta ne kəm-e godo tɔ. Dəw gə njigi ɗəm gə rɔ Luba gə nama may kar takagə to gə n-ga̰ ngaɓa nje gə ꞌsang-e nama nuga dɔji-je.

Gə go takagə ɓa j-a gərə ne to gə Luba unda ne dara gə nangə gə tar gə t-ɛ gə, ar j-o to gə ne gə kəm dəw ang ja ce to ɗaga.

Gə go takagə ɓa Abəraham njigi ne ɓar lə Luba ɔdə aw ne gə ɓe gə a kuwa gə nenduba ɗaa n-aw lal gərə lo gə n-aw dɔ-ɛ gə kəne. Ɗəw gə lə takagə le ja ɓa n-ɗe n-ɗa ne ɓe dɔ nangə gə d-uwa dɔ gɔl-ɛ gə to to gə ɓe mba, n-isi kəy lo gə, to to gə Ijagə je gə Jakobo gə ꞌto nje baa kuwa sə-a nduba ne gə d-uwa dɔ gɔl-ɛ le.

Ɗəw gə lə takagə ɓa Luba pa ne tar ne gə dəw o ndɔ kara ang baa ɓi ar Nowe ɗaa Nowe ɓəəl ila ne kɔji ɗa ne to mba kaji lə nje gə kəy lə-a, ngaɓa n-gangə ne tar dɔ dəwje gə cibi ɓa n-to ne njekuwa nduba neɗa gə gadə-gadə ɗəw gə lə takagə lə-a.

Gə go takagə ɓa d-un ne Enɔgə kəm baa lal kar-ɛ uy, ar d-o-e ang magə, mba Luba un-e. Mba nam ɓa kar d-un-e le, ꞌɗa tar naji lə-a to gə n-ta kəm Luba.

Ɗəw gə lə takagə ɓa Abɛl un ne nepolo gə to ɓəəl may unda kar Ka̰yi ar Luba; gə go ɗəb-e nee ja d-o-e ne gə dəw gə gadə-gadə, ar Luba ja kara pa tar naji dɔ nenuji gə lə-a ngaɓa ɗəw gə kara baa ne ja n-uy ja ngaa gə go takagə lə-a ɗaa, n-aw n-pa tar ja ɓi.

Ɗəw gə lə takagə le ɓa Sara gə to ꞌkaw kadə, ye ja kara ɓuga ya̰ ja, ngaa d-ar-ɛ inga singa unda ne gəl kuji kara, mba n-unda m-e to gə dəw gə nje kuwa dɔ gɔl ne le to dəw gə gadə-gadə.

Mba n-ngina ɓe gə ngira-a uwa nangə rig-rig, ye gə Luba ja to njekunda gəl-e.

Ɗəw gə lə takagə le ɓa logə Moyiji tɔgə ɗaa mbadə kar d-o-e to gə ngon lə Parawo̰ gə jene ɓa uji-e, mba n-njigi kar d-ula kəm-e ndoo naa gə gə dəwje lə Luba, may unda ɗa rɔləl gə kur-e a kəw ang gə to kar neɗa gə kṵra̰y. Moyiji o rɔ kul gə d-a kila dɔ Kirisi gə le to nekinga gə to ɓəəl unda nekingaje gə Ejipətə, mba n-unda m-e dɔ kuga gə lə Luba. Gə go takagə ɓa Moyiji ɓəəl ne wungu lə mbay ang, n-ɔdə ne Ejipətə; mba n-uwa ngəng, to to gə n-o ne gə kəm dəw o ang be.

Gə go takagə ɓa ꞌna ne Abəraham d-ar un ne Ijagə gə nepolo. ꞌNe gə d-uwa dɔ gɔl ne d-ar-ɛ le ja, ngon-e gə to ngon kara baa ja, ngaa n-un-e gə nepolo

Gə go takagə ɓa Rahabə gə to jene kaya inga ne tuji gə nje məkədərəje ang mba kuwa gə uwa nje tən loje gə rɔ-ɛ gə gə rɔləl.

Gə go takagə ɓa lo tudu ne kurum dan babo kadə gə kasə gə ar ꞌnday kəne ngaa dəwje gə Ejipətə gə ꞌna mba nday kəne le man ta-je yaləm.

Gə go takagə ɓa logə ꞌnja ꞌgugu dɔ ndogo bɔrɔ gə Jeriko asə ndɔ siri ɗaa ndogo le unda nangə.

Gə go takagə ɓa Moyiji ɗa ne pagə ngaɓa n-tusu ne məsə ta ɗəw kəyje gə mba kar anji gə nje tuji lo ɗe tuji ngan dəər Ijirayɛlje gə jingaw ang.

Gə go takagə ɓa logə Jəjəb o to gə kisi kəm baa lə-a a kaw kunda ngang-e ɗaa pa tar gə ɔji dɔ ce lə ngan Ijirayɛlje ngaɓa un ne ndu ɔji dɔ singa rɔ-ɛje.

Gə go takagə ɓa logə Jakobo o to gə ndɔ kuy lə-a aw asə ɗaa tɔr ndu dɔ ngan lə Jəjəb gə, ngaɓa gədə rɔ-ɛ dɔ kagə tɔsə gə lə-a unda ꞌburamba polo Luba.

Gə go takagə ɓa Ijagə tɔr ne ndu dɔ Jakobo je gə Esaw gə ɔji dɔ neje gə a ɗe.