متّی 12 سے مشہور بائبلی آیات

شئیر

پر مَیں تُہانوں آکھنا آں پئی ہر اِک وادھی گلّ جیہڑی لوکی بولن گے عدالت دے دِن اوہ اوہدا حِساب دین گے۔ کیوں جو تُوں اپنیاں گلّاں توں سَچّا تے اپنیاں گلّاں توں مُجرم ٹھیرایا جائیں گا۔

سپّاں دے بچّیو تُسی بُرے ہو کے کِس طرح چَنگیاں گلّاں کر سکدے ہو؟ کیوں جو جیہڑا مَن وِچ بھریا ہویا اے مُنھ اُتّے آؤندا اے۔

کھرا بندہ اپنے کھرے خزانے وِچوں کھرِیاں گلّاں کڈھدا اے۔ تے بُرا بندہ بُرے خزانے وِچوں بُریاں گلّاں کڈھ دا اے۔

ایس لئی مَیں تُہانوں آکھنا آں پئی ہر اِک گُناہ تے کُفر بندیاں نُوں بخشیا جائے گا پر اوہ کُفر جیہڑا رُوح دے حق وِچ ہوئے بخشیا نا جائے گا۔

یا تے رُکھّ چَنگا بناؤ تے اوہدے پَھل نُوں وی چَنگا۔ یا رُکھّ ماڑا بناؤ تے اوہدے پَھل نُوں وی ماڑا۔ کیوں جو رُکھّ اپنے پَھل توں پِچھانیا جاندا اے۔