1 KORINITU 2 سے مشہور بائبلی آیات

شئیر

Na belingu-na nuna nimanyaka na pa-tulihu la Huratu Matua, “Nggàraya na panda ita ndoku dàngu na panda rongu ndoku tau, dàngu na mandedi tumbu ndoku la kanandingu-na na tau, nuna-yaka na pa-payema-na i Ala ndumada da tau da mambuha-nya,” wàna.

Na tau na manda ningu Ngahuna i Ala, nda peku kataku-ananya jàka nggàraya na pa-pawuwa-na i Ngahu. Nadu da tau tungu nu nuda da hangia - hangia ba wànda beri hau panduba wàngu maaya. Da tau nuda nda da-hàmburu-aya, nadu nuda ba wànda mbulungu ma-pangahu bàdi ma-pabila-nya.

Tàka i Ala mbàda pawuwa-nanyaka lai nyuta ba na-palua-nya la Ngahuna. Na Ngahuna i Ala na ma-manginjiru hàlaya, lupa da pa-pakaka-na i Ala jiapa ka jiaha da marihi winingu-mbu.

Tàka nyuta nda nawua-anda ngahu pinu tana yiana, mbulungu na Ngahu welingu lai Ala, ka peku pi hàla-ndanya na pawua-nanda nyuta i Ala.

Na lii na pa-patàka-nggunggai nyimi nda ku-patàka wa-anggai ma-payila eti tundunya na màhina na tau. Nyungga ba ku-patàka-nggai kuwàngu pa-paita-nggai mbuti ba ma-kuaha-ya na Ngahuna i Ala. Hi tunggu nu, ka pekuna na pawaimi la Karitu ka àmbu na-palata ningu la màhi tau, tàka ka na-palatangu la kuaha-na i Ala.