1 KORINITU 1 سے مشہور بائبلی آیات

شئیر

Nadu ba tuba harawuku-mana i Ala la papindi-ya na manduba ba wàna na pinu tana, ka peku makia-da da tau mapingu ba wàda. Dàngu i Ala napindiya na tau na ma-mangonangu ba wàna na tau pinu tana, ka peku makia-da da mini kapàru kaborangu.

Nadu da ngerada da tau da makangehanya la pa-làjaru, na ruku metina i Karitu la ai harikangu beri kareuku juaya. Tàka na ngeranda nyuta duta pa-pamàna-na i Ala na lii nuna pawuku-na i Alaya ba na-pawuwa-ya na mbihana.

Nadu ba itaya ba hama mandubaya lai Ala, na rihi manggàna-mapa welingu la manggàna tau; dàngu ba itaya ba hama ma-malijangu-ya lai Ala, na rihi kapàru-mapa welingu la kapàru tau.

I Ala pa-monungu ailulu-maya duna. Nyuna jiaya na Ala na mambàda paaunggai la pa-pambulu dànya na Anana, nu i Yehu Karitu, na Mirinda.

Angu dedi mbuu ndàbami! Wànya na tamuna na Mirinda i Yehu Karitu, kukarai-kai ka pekuna nyimi mbuu ndàbami ka hau ngaru-akai, ka àmbu ninya na paihangu la padua-mi nyimi. Màta nyimi kai mbulungu, ka hau eti dàngu ka hau kanandingu-akai.

Na, nggàra lingu-daipa da tau manggàna? Nggàra lingu-daipa da tau pingu? Nggàra lingu-daipa da ngara ma-tanjiku la pakanandingu la pinu tana yiana? I Ala mbàda pawuwa-mana-nyaka na manggàna pinu tana yiana ba ma-kakòlulu jua-maaya!