Ore i mexü̃ ga Cuáü̃ ümatüxü̃ 12 سے مشہور بائبلی آیات

شئیر

Rü ngẽxguma texé choxü̃́ puracüchaü̃gu rü name nixĩ i chowe tarüxũ. Rü ngẽma choma tá íchangexmaxü̃wa rü ngéma rü tá ta tangexma i tümax. Rü ngẽxguma texé choxü̃́ puracügu rü Chaunatü ya Tupana rü tá tümamaxã nataãxẽ —ñanagürü.

Rü pemaxã nüxü̃ chixu rü texé tama cha̱u̱xca̱x inaxãxẽ i tümaarü maxü̃ rü tá itanatauxẽxẽ. Natürü texé ya ñoma i naanewa cha̱u̱xca̱x inaxãxẽ i tümaarü maxü̃ rü tá tanayaxu i maxü̃ i taguma gúxü̃.

Rü aixcüma pemaxã nüxü̃ chixu rü ngẽxguma chi wüxipü̱xü i triguchire tama waixü̃müanegu nguxgu rü nayu̱xgu rü wüxipü̱xüechatama nixĩ. Natürü ngẽxguma waixü̃mügu nanguxgu rü nayu̱xgu rü ngéma naxüxgu rü namuxũchi i norü o.

Choma nax nangóonexẽẽruxü̃ chixĩxü̃, rü ñoma i naanewa chaxũ nax guxãma ya texé ya choxü̃́ yaxõgüxe rü tama ẽanexü̃wa tangexmagüxü̃ca̱x.

Natürü ngẽxguma texé nüxü̃ ĩnügu i chorü ore rü tama tayaxõ̱xgu rü tama choma nixĩ i tüxü̃ chapoxcuxü̃. Erü tama ñoma i naanewa changu nax chanapoxcuexü̃ca̱x i duü̃xü̃gü, natürü núma chaxũ nax chanamaxẽxẽẽxü̃ca̱x.

Rü yexguma ga María rü yéma inange ga 300 gramu nagu ga pumara ga nardo ga tatanüxü̃. Rü Ngechuchuxü̃ namaxã iyixcutü. Rü ñu̱xũchi ngĩyaemaxã íinapicutü. Rü guxü̃wama ga gumá ĩpata rü nayixmachĩã namaxã ga yema pumara.

Rü yexguma moruátüta nadaü̃gü rü yemamaxã Ngechuchuxü̃ nayatüxgütanüãchi. Rü tagaãcü ñanagürügü: —¡Namaxü̃! ¡Namecümaxüchi ya daa Tupanaégagu núma ũcü! ¡Namecümaxüchi ya daa Iraétanüxü̃arü Ãẽ̱xgacü! —ñanagürügü.

Rü yexguma ga Ngechuchu rü ñanagürü nüxü̃: —Marü nawa nangu nax nayuxü̃ ya Tupana Nane ya duü̃xü̃xü̃ ixĩcü nax wenaxarü Nanatüxü̃tawa naxũxü̃ca̱x.