YESAYA 62 سے مشہور بائبلی آیات

شئیر

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki TUHAN in noibogdon kon inimu, Sia in nádon buḷoi ḷoḷaki kon butámu.

Kon dinding in Yerusalem Akuoi monampat kon moḷoḷukad; singgai doḷom mosia in diábí motaau in tongá kibio-biómai, táe mustibí umuran moponorop kon i Allah kon dandi inta ain pinomia-Nea. Mosia in diábí motaau in mopomayá mako in Sia tongá kibio-biómai kon dodai in Sia diápa moposindog bui in Yerusalem bo mopobaḻí ponango-nangoian kon sinangkub in dunia.

Iko in mobaḻí naonda bo mahkota mogaga kon ḻima i TUHAN, mahkota in dodatuan kon ḻima i Allahmu.

Naonda bo tayow mobiag tobatú inta nongantang kon mongodeaga, natuata in momomaḻímu in mononibuḷoi kon inimu. Naonda bo nonikaan tobatú mopia in ginanea in nokoontong kon i buḷoinea bobay, natuata in ki Allah mopia in gina-Nea kon inimu.