उत्पत्ति 9 سے مشہور بائبلی آیات

شئیر

फेर परमेसवर नै कह्या, “जो करार मै थारै गैल, अर जितने जिन्दा प्राणी थारे गैल सैं उन सबकै गैल भी युग-युग की पीढ़ियाँ कै खात्तर करुँ सूं; उसका यो निशान सै: मन्‍नै बादळ म्ह अपणा धनुष धरया सै, वो मेरै अर धरती कै बीच करार का निशान होवैगा।

जिब भी बादळ म्ह जो धनुष होवैगा मै उसनै देखकै यो सदा के करार नै याद करुँगा, जो परमेसवर कै अर धरती पै के सारे जिन्दा देहधारी प्राणियाँ कै बीच करया सै।”

जो कोए माणस का लहू बहावैगा उसका लहू माणस तै ए बहाया जावैगा क्यूँके परमेसवर नै माणस ताहीं अपणे स्वरूप कै मुताबिक बणाया सै।

फेर परमेसवर नै नूह अर उसकै बेट्याँ तै आशीष दी अर उनतै कह्या, “फूल्‍लो-फळो अर बढ़ो अर धरती म्ह भर जाओ।

सारे चाल्‍लण आळे जन्तु थारा खाणा होवैगें; जिस तरियां मन्‍नै थारे ताहीं हरे-हरे छोट्टे पौधें दिए थे, उस्से तरियां ए सारा किमे देऊँ सूं।

थारा डर अर भय धरती के सारे पशुआं, अर अकास के सारे पंछियाँ, अर धरती पै के सारे रेंगण आळे जन्तुआं, अर समुन्दर की सारी मछलियाँ पै बण्या रहवैगा उनपै थारा अधिकार होवैगा मै उननै थारे हाथ म्ह सौंप्पू सूं।

अर थम तो फूल्‍लो-फळो अर बढ़ो अर धरती पै भोत घणे बाळक पैदा करकै उस म्ह भर जाओ।”