- मरकुस 5 سے مشہور بائبلی آیات

شئیر

ऊ ने ऊसे कओ; बेटी तोरे बिसवास ने तोय ठीक करो आय: कुशल से जा, और अपनी ई बीमारी से बची रै।

और एक बईयर, जीहां बारह साल से खून बहबे को रोग हतो। और जीने मुतके बैद्यों से बड़ो दुख उठाओ और अपनौ सबरो धन खर्च करबे पै भी कछु ठीक न भई हती, बल्कि और रोगी हो गई हती।

और तुरतईं ऊकौ खून बहवो बन्द हो गओ; और ऊ ने अपनी देह में जान लऔ, कि मैं ऊ बीमारी से ठीक हो गई।

और बिटिया कौ हाथ पकड़ के ऊसे कओ, “तलीता कूमी”; जी कौ मतलब आय कि “ए बिटिया, मैं तोसे कैत आंव, उठ”।

ऊ ऐसो कैई रओ हतो, कि प्रार्थनाघर के सरदार के घर से लोगन ने आके कओ, कि तोरी बिटिया तो मर गई; अब गुरू हां काय तकलीफ देत आय। जौन बात बे कै रए हते, यीशु ने ऊहां अनसुनी करके, प्रार्थनाघर के सरदार से कओ; डरौ नें केवल बिसवास राखौ।

कायसे ऊ ने ऊसे कओ हतो, हे बुरई आत्मा, ई मान्स में से कड़ आ। यीशु ने ऊसे पूछो; तोरो का नाओं आय? ऊ ने ऊसे कओ; मोरो नाओं फौज आय; कायसे हम भौत से आंय।