Salmos 51 سے مشہور بائبلی آیات

Jaha, Itꞌéni Díos, tsjánjua ijnko a̱séni tjóá la ko ijnko ncha̱kuéni ni̱xin.

Ínaá tsjánjua ti kjuachéhe̱ kixin jaha kjui̱nchekaáni la ko tsjánjua ti Ncha̱kuán kixin tsjinki̱tsa ti jeheni.

Ti̱to̱éhya ti jeheni, na̱xa̱ tꞌayakonhéni la takítsjehyani ti Ncha̱kuán chóntani.

Kixin ti nkehe tjinkaoan tsꞌayéhé, mé ti chojni nchenkehya la ko nchejiéhya a̱sén. Jaha la ti̱konoéhé ti chojni tꞌává a̱sén.

Ti̱konoéhéni Itꞌéni Díos, kixin imá jína jaha la tꞌoxika kaín ti ijie̱ chóntani kixin imá tjue̱héni. Nchekꞌijmani kixin ti nkehe jínahña kjuíchꞌeni, nchetjóáni kixin ti ijie̱ chóntani.

A̱ndá ijie nchetjuáxiani ti itsjo hisopo ndá tjóá tsíto̱heni la ko nchekꞌijmani kixin tsíto̱heni a̱ntsí tjóá ke ti chrintá.

*Jeheni kuitekakuenhñani ti jaha, la kjuasinhani ijie̱, kjuíchꞌeni ti nkehe jínahña. Méxra̱, ó noheni kixin tsjasóteni kixin jaha mé si̱nchekito̱exián ti ijie̱ kuènténi.