Salmos 14
14
1Benne' lázxdau zide' dxezá' lazre̱', dxenné̱': “Quebe zua Dios.”
Benne' caní zaj nazrinnaj xichaj lázrdawe̱'.
Dxelune̱' da sban ca'.
Quebe nu chilá' benne' dxune̱' da xrlátaje.
2Xránadxu Dios zue̱' xabáa dxenné̱'e̱ bénneache
chee̱ lé'ene̱' che zua nu benne' dxéajni'ine̱',
bénnea' dxape̱' ba lá'ana Dios.
3Xúgute̱' zaj xu'e̱ neza xuca'.
Xúgute̱' zaj nazrinnaj xichaj lázrdawe̱'.
Quebe nu chilá' benne' dxune̱' da xrlátaje, netúgue̱'.
4¿Quebe dxeléajni'i benne' ca' dxelune̱' da sban?
Dxulusunítie̱' bénneache chia' ca dxuzuzruj tu benne'
xeta da dxawe̱',
ne quebe dxeléquebe'ene̱' zua Xrane̱' Dios.
5Dute̱ xel-la' dxelezrebe dxelezrize benne' ca'
lawe' da dxácale̱ Dios benne' xrlátaje ca'.
6Belún le̱' chee̱ da gulenná benne' xache' ca',
san benne' caní xelebeza lazre̱' Xránadxu Dios.
7Xídatega Bénnea' guselé̱' benne' Israel ca'.
Gate gun Xránadxu xelexezrín benne' chee̱' ca',
benne' ca' zaj nada'u zítu'la,
na' welebé zri'ine zre sua Jacob,
ne welebéle̱'e̱quezne̱' benne' Israel ca'.
Поточний вибір:
Salmos 14: zat
Позначайте
Поділитись
Порівняти
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 1981, Wycliffe Bible Translators, Inc. All rights reserved.