रोमीकु 4
4
अब्राहम आला बिसवास
1दो आबु आली पुरखा अब्राहम लःअय एतान कंहड़ीयाबु, ची हुनी एतान नाम लःअय? 2एता लःअय ची जदि अब्राहम अपन काम तरअः धरमी ठहराव ताही कोआय, दो हुनी के घघमंड लःअय ठाँव ताही कोआ, बकिर परमेसर हेनाःड रे कोवान। 3#एहेः 15:6; गला 3:6धरम पुथी एतान कंहड़ीयाय? “अब्राहम परमेसर रे बिसवास लःअय, आउर नोःआँ चलते हुनी धरमी लेखा नेनाय।” 4कामी वाला कामीयाकु के हाजरी एमोअ दान नलागे, बकिर होना हुंकू आला हक हेके। 5बकिर जे कनहुन रअः काम ककामी रे कोवान बकिर आधरमी के धरमी बबनाव वाला परमेसर रे बिसवासेआय, हुनी आला बिसवास हुनी के धरमी ठहराईयाय। 6हिना लकान जेके परमेसर बेगर काम-किरया रे धरमी ठहराईयाय, हुनी के दाऊद होः धनया मेनगेआय।
7 #
सिरिंग 32:1,2 “धनया एदान कुआ हुंकू, जेकर गुनाह छमा हुयाव नेना,
आउर जेकर पाप हरुःब लअः एदनाआ!
8धनया एदान कुआ हुंकू मनवा,
जेकर पाप रअः लेखा परभु काय दोहो लआ!”
9दो नोःआँ धनया कंहड़ी जाहुदीकु लःअय भाईर एदनाआ, चाहे बे खतना कु लःअय होः? एता लःअय ची आबु नोःआँ कंहड़ीयाबु, “अब्राहम लःअय हुनी आला बिसवास धरमिकता लेखा नेना।” 10दो हुनी एता लकान लेखा नेनाय? खतना तरअः पहिल रे चाहे खतना तरअः तयोम रे? खतना तरअः तयोम रे कोवान बकिर खतना तरअः पहिल रे। 11#एहेः 17:10खतना तरअः पहिल अब्राहम बिसवास तरअः धरमी ठहराव नेनाय, आउर अब्राहम आला धरमिकता के सबुत लःअय खतना रेनअः चिनहा भेटाव नेना। नोःआँ लकान हुनी जामेकु आली होः आपा ठहराव नेनाय, जे बेगर खतना ते बिसवासे-आकु, जेकर से हुंकू होः धरमी ठहराअकु। 12आउर अब्राहम हुंकू खतना उनकु आली होः आपा हेके बकिर हिंकु लःअय जे लकान अब्राहम आला होना बिसवास रअः होरा रे चलाआकु, जे खतना योअ तरअः पहिल रे बिसवासे केनाय, होना लकान बिसवासेआकु।
बिसवास आउर परमेसर आला करार
13 #
एहेः 17:4–6; 22:17,18; गला 3:29 परमेसर अब्राहम आउर हुनी आला बंसवाईर तरअः वादा लःअय ची हुंकू दुनिया रिनकु हकदार पाड़ी कोआकु। नोःआँ वादा निआँ लःअय का हुयाव नेना ची अब्राहम कनहुन के मनाव नेनाय, बकिर निआँ लःअय ची हुंकू के बिसवास तरअः भेटाव उना धरमिकता रेनअः चलते। 14#गला 3:18एता लःअय ची कनहुन वाला हकदार एदान कुआ, दो बिसवास रअः एतान माने होः कनोआँ आउर वादा बेकार ठहराव कोआ। 15कनहुन दो परमेसर आला खीस सिरजायाय, बकिर जे एड़े कनहुन कनोआँ होनाःड़े होना रेनअः तोतोड़ाव होः कनोआँ।
16 #
गला 3:7
निआँ चलते वादा बिसवास रअः मोताबिक एदनाआ। जेकर से ची होना दया रेनअः आधारित रे हुयाअः, आउर अब्राहम आलकु जामे बंसवाईर रिनकु लःअय मजगुत हुयाअः। आउर ना ची हुंकू भाईर लःअय जे कनहुन के मनाआकु, बकिर हुंकू लःअय होः जे अब्राहम लकान बि-बिसवास वाला एदान कुआ। एता लःअय ची अब्राहम दो आबु जामेकु आली आपा हेके। 17#एहेः 17:5जे लकान धरम पुथी रे लिखा लअः एदनाआ, “ईङ आम के ढेर जाईत रिनकु आपा बनाव तदमिईङ।” हुनी परमेसर रअः मड़ांग जेकर रे हुनी बिसवास लःअय आउर जे गोएःग उनकु के जिवीःड कुआय, आउर जे जिनीस कनोअ गीआ, होना के सिरजायाय।
18 #
एहेः 15:5
अब्राहम बे आसरा रे होः आसरा दोहो केते बिसवास लःअय, आउर हुनी ढेर जाईतकु रिनी आपा पाड़ी नेनाय। एता लःअय ची पबितर पोथी रे लिखा लअः एदनाआ “आम आलकु बंसवाईर इपील लकान अनगिनित हुयाव कोआकु।” 19#एहेः 17:17हुनी जे मि-साव बरीस रिनी ताही नेनाय। हुनी आला होड़ो गोजोअः लकान ताही नेना। आउर सारा आला ओदोर गोएःग उना दसा लकान ताही नेना। नोःआँ पाड़ी केते होः बिसवास रे काय डगमगाव नेना। 20आउर अनबिसवास केते परमेसर आला वादा रे काय संका लआ, बकिर बिसवास रे मजगुत केते परमेसर आला महिमा लःअय। 21आउर हुनी पका पाकी पाड़ी लःअय ची जे बात रेनअः परमेसर वादा थिलाआय, होना के पुपुरा रे होः सवांगिया एदानिया। 22हिना बिसवास रेनअः चलते “परमेसर हुनी के धरमी मनाव नेनाय।” 23बिसवास तरअः “हुनी धरमी लेखा नेनाय,” नोःआँ बचन अब्राहम लःअय भाईर का लिखा नेना, 24बकिर आबु लःअय होः हेके। परमेसर आबु के जे हुनी रे बिसवासेआबु धरमी ठहराव किबुआय, जे आबु आली परभु ईसु ख्रीस्त के गोएःग उनकु मेसे जिवीःड लियाय। 25#जसा 53:4,5ईसु के आबु आला गुनाह लःअय सोंपाव लिदयाय, आउर आबु के धरमी ठहराअ लःअय परमेसर फिन जिवीःड लियाय।
Поточний вибір:
रोमीकु 4: ASR
Позначайте
Копіювати
Порівняти
Поділитись
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2023 NLCI CC BY-NC-ND 4.0
रोमीकु 4
4
अब्राहम आला बिसवास
1दो आबु आली पुरखा अब्राहम लःअय एतान कंहड़ीयाबु, ची हुनी एतान नाम लःअय? 2एता लःअय ची जदि अब्राहम अपन काम तरअः धरमी ठहराव ताही कोआय, दो हुनी के घघमंड लःअय ठाँव ताही कोआ, बकिर परमेसर हेनाःड रे कोवान। 3#एहेः 15:6; गला 3:6धरम पुथी एतान कंहड़ीयाय? “अब्राहम परमेसर रे बिसवास लःअय, आउर नोःआँ चलते हुनी धरमी लेखा नेनाय।” 4कामी वाला कामीयाकु के हाजरी एमोअ दान नलागे, बकिर होना हुंकू आला हक हेके। 5बकिर जे कनहुन रअः काम ककामी रे कोवान बकिर आधरमी के धरमी बबनाव वाला परमेसर रे बिसवासेआय, हुनी आला बिसवास हुनी के धरमी ठहराईयाय। 6हिना लकान जेके परमेसर बेगर काम-किरया रे धरमी ठहराईयाय, हुनी के दाऊद होः धनया मेनगेआय।
7 #
सिरिंग 32:1,2 “धनया एदान कुआ हुंकू, जेकर गुनाह छमा हुयाव नेना,
आउर जेकर पाप हरुःब लअः एदनाआ!
8धनया एदान कुआ हुंकू मनवा,
जेकर पाप रअः लेखा परभु काय दोहो लआ!”
9दो नोःआँ धनया कंहड़ी जाहुदीकु लःअय भाईर एदनाआ, चाहे बे खतना कु लःअय होः? एता लःअय ची आबु नोःआँ कंहड़ीयाबु, “अब्राहम लःअय हुनी आला बिसवास धरमिकता लेखा नेना।” 10दो हुनी एता लकान लेखा नेनाय? खतना तरअः पहिल रे चाहे खतना तरअः तयोम रे? खतना तरअः तयोम रे कोवान बकिर खतना तरअः पहिल रे। 11#एहेः 17:10खतना तरअः पहिल अब्राहम बिसवास तरअः धरमी ठहराव नेनाय, आउर अब्राहम आला धरमिकता के सबुत लःअय खतना रेनअः चिनहा भेटाव नेना। नोःआँ लकान हुनी जामेकु आली होः आपा ठहराव नेनाय, जे बेगर खतना ते बिसवासे-आकु, जेकर से हुंकू होः धरमी ठहराअकु। 12आउर अब्राहम हुंकू खतना उनकु आली होः आपा हेके बकिर हिंकु लःअय जे लकान अब्राहम आला होना बिसवास रअः होरा रे चलाआकु, जे खतना योअ तरअः पहिल रे बिसवासे केनाय, होना लकान बिसवासेआकु।
बिसवास आउर परमेसर आला करार
13 #
एहेः 17:4–6; 22:17,18; गला 3:29 परमेसर अब्राहम आउर हुनी आला बंसवाईर तरअः वादा लःअय ची हुंकू दुनिया रिनकु हकदार पाड़ी कोआकु। नोःआँ वादा निआँ लःअय का हुयाव नेना ची अब्राहम कनहुन के मनाव नेनाय, बकिर निआँ लःअय ची हुंकू के बिसवास तरअः भेटाव उना धरमिकता रेनअः चलते। 14#गला 3:18एता लःअय ची कनहुन वाला हकदार एदान कुआ, दो बिसवास रअः एतान माने होः कनोआँ आउर वादा बेकार ठहराव कोआ। 15कनहुन दो परमेसर आला खीस सिरजायाय, बकिर जे एड़े कनहुन कनोआँ होनाःड़े होना रेनअः तोतोड़ाव होः कनोआँ।
16 #
गला 3:7
निआँ चलते वादा बिसवास रअः मोताबिक एदनाआ। जेकर से ची होना दया रेनअः आधारित रे हुयाअः, आउर अब्राहम आलकु जामे बंसवाईर रिनकु लःअय मजगुत हुयाअः। आउर ना ची हुंकू भाईर लःअय जे कनहुन के मनाआकु, बकिर हुंकू लःअय होः जे अब्राहम लकान बि-बिसवास वाला एदान कुआ। एता लःअय ची अब्राहम दो आबु जामेकु आली आपा हेके। 17#एहेः 17:5जे लकान धरम पुथी रे लिखा लअः एदनाआ, “ईङ आम के ढेर जाईत रिनकु आपा बनाव तदमिईङ।” हुनी परमेसर रअः मड़ांग जेकर रे हुनी बिसवास लःअय आउर जे गोएःग उनकु के जिवीःड कुआय, आउर जे जिनीस कनोअ गीआ, होना के सिरजायाय।
18 #
एहेः 15:5
अब्राहम बे आसरा रे होः आसरा दोहो केते बिसवास लःअय, आउर हुनी ढेर जाईतकु रिनी आपा पाड़ी नेनाय। एता लःअय ची पबितर पोथी रे लिखा लअः एदनाआ “आम आलकु बंसवाईर इपील लकान अनगिनित हुयाव कोआकु।” 19#एहेः 17:17हुनी जे मि-साव बरीस रिनी ताही नेनाय। हुनी आला होड़ो गोजोअः लकान ताही नेना। आउर सारा आला ओदोर गोएःग उना दसा लकान ताही नेना। नोःआँ पाड़ी केते होः बिसवास रे काय डगमगाव नेना। 20आउर अनबिसवास केते परमेसर आला वादा रे काय संका लआ, बकिर बिसवास रे मजगुत केते परमेसर आला महिमा लःअय। 21आउर हुनी पका पाकी पाड़ी लःअय ची जे बात रेनअः परमेसर वादा थिलाआय, होना के पुपुरा रे होः सवांगिया एदानिया। 22हिना बिसवास रेनअः चलते “परमेसर हुनी के धरमी मनाव नेनाय।” 23बिसवास तरअः “हुनी धरमी लेखा नेनाय,” नोःआँ बचन अब्राहम लःअय भाईर का लिखा नेना, 24बकिर आबु लःअय होः हेके। परमेसर आबु के जे हुनी रे बिसवासेआबु धरमी ठहराव किबुआय, जे आबु आली परभु ईसु ख्रीस्त के गोएःग उनकु मेसे जिवीःड लियाय। 25#जसा 53:4,5ईसु के आबु आला गुनाह लःअय सोंपाव लिदयाय, आउर आबु के धरमी ठहराअ लःअय परमेसर फिन जिवीःड लियाय।
© 2023 NLCI CC BY-NC-ND 4.0