Toma 2
2
A Vooroŋ Soŋ Waabo Yɛlɛ
1 #
Bag 23:15-21; Tom 1:14 A Pɛnteko daare naŋ da wa ta, ba zaa da laŋ la taa ziyeni. 2A paretɛloŋ lɛ, ba da wa berɛ ka gɔne deɛ yi sazu aŋa sasekpeɛŋaa a fuuro a wa paale a die na ba naŋ da zeŋ poɔ zaa. 3#Mat 3:11 Lɛ la ka ba da nyɛ boma naŋ waa ŋa vũũzelɛ, ka a sigi wa dɔgle ba yeni yeni zaa zu. 4#Tom 10:44-46 Ba zaa da paale ne la a Vooroŋ Soŋ a piili yele kɔkɔyobo a seŋ lɛ a Vooroŋ Soŋ naŋ ko ba faŋ ka ba yele.
5 #
Tom 13:26
A saŋ ŋa poɔ, a Gyuumine puoruu nimizeɛ deme naŋ da yi a tendaa zaa da kpeɛrɛ la a Gyeruzɛlɛm poɔ. 6Kyɛ a gɔne ŋa zuiŋ, a nembeɛoŋ da laŋ la taa, ka ba nɔɛ zaa da maa bonso ba yeni yeni zaa da woŋee la ka ba yele o meŋɛ teŋɛ kɔkɔre. 7A da e ba la nɔmaa ka ba da nyɔge nɔɛ a soorɔ, “A bama zaa naŋ yele a yɛlɛ ba waa Galili noba bee? 8Kyɛ a ta la wola ka te yeni yeni zaa wono o meŋɛ kɔkɔre ka ba yele? 9Pantiya noba, Midiyan noba, Elam noba, ane noba naŋ kpeɛrɛ Mɛsopotamiya, Gyudiya ane Kapadosiya, Pɔntus ane Ezeya, 10Firigyeya ane Pamfiliya noba, Igyipiti deme ane noba naŋ yi Libiya tenne mine naŋ peɛle Saarin, ane saama naŋ yi Rom, a Gyuumine ane a banaŋ naŋ kpɛ a Gyuumine puoruu poɔ paaloŋ, 11Kirit ane Arab noba, te zaa woŋee la ka ba yele te kɔkɔre a manna a Naaŋmen toŋkpeɛne.” 12Ba zaa nɔɛ da maaɛ la, ka ba bugi ba zaa, a soorɔ taa, “A yeli ŋa tɛge la boŋ?” 13Kyɛ ka ba mine da erɛ ba laara, a da yele, “A noba bama nyu la dãã kuoli.”
A Piita Naŋ Kanne Noba
14Kyɛ Piita ne a pie ne yeni na da are la dendeŋ, ka Piita zɛge o kɔkɔre a yeli ko ba, “Gyudiya noba ane banaŋ zaa naŋ kpeɛrɛ Gyeruzɛlɛm poɔ, yɛ baŋ a yeli ŋa, kyɛ eŋ toori kyɛllɛ bonna N naŋ yele. 15Serɛzaa, a noba bama ba nyu dãã kuoli aŋa yɛ naŋ teɛre lɛ, bonso gbelli awae baguo saŋ#2:15 Gbelli Awae Baguo Saŋ: A saŋ na poɔ, a Gyuumine daŋ koŋ di bee a nyu bonzaa ka a naŋ ba ŋmɛ gbelli pie. Lɛ zuiŋ, a potuuribo da koŋ baŋ kuoli dãã a gbelli awae saŋ. naŋ la ŋaa. 16#Gyow 3:1-5 Ai, a yɛlɛ ama la ka a Ŋmen-yelmanna Gyuwɛl da yeli:
17‘Naaŋmen yelee la, a bebi-baare saŋ a yɛlɛ ama na e la,
N na paale la a noba zaa ne N Vooroŋ,
ka yɛ bidɔbɔ ane pɔgeyaare na yele Ŋmen-yelmanna yelyelii,
ka yɛ pɔlbilii nyɛrɛ yelnyɛre,
ka yɛ dɔɔnyaŋne zanna zannoo.
18A bebie na poɔ, N na paale la n gbaŋgba-dɔbɔ ane n gbaŋgba-pɔgeba
ne a N Vooroŋ Soŋ;
ka ba na yele Ŋmen-yelmanna yelyelii.
19Kyɛ ka N e ka nɔmaa yɛlɛ sãã a saluoni poɔ
ka yelwulii sãã a teŋɛzu,
zẽẽ ane vũũ ane nyoore#2:19 Nyoore: A Dagaaba mine maŋ yeli ka Zoor bee Zoore. naŋ ŋmeɛlɛ duoro.
20A ŋmenaa na leɛ la ligruŋ
ka a kyuu leɛ e zeɛ aŋa zẽẽ
a ama zaa na e la kyɛ ka a Daana bebi-kpoŋ pãã ta.
21 #
Rom 10:13
Lɛ la ka neɛ na zaa naŋ boɔle a Daana yuori na nyɛ faabo.’
22“Yɛnee naŋ waa Izerayɛl noba, yɛ eŋ toori kyɛlle woŋ bonna N naŋ taa na yeli: Yeezu a Naazɛrɛ Bie, neɛ Naaŋmen naŋ sage de a e ka o toŋ toŋkpeɛne ane nɔmaa toma ane yelwulii ka a sãã yɛ zie, aŋa yɛmenne naŋ baŋ lɛ. 23#Tom 4:28 A Yeezu ŋa la ka ba da de tere a seŋ a Naaŋmen naŋ da daŋ baŋ kyɛ nare biŋ. Ona la ka yɛ e ka a yɛ nenfaare a kpa dagaraa zu a ko. 24#Tom 3:15 Kyɛ Naaŋmen da faa O la, a e ka O leɛ-iri a kuuni poɔ, bonso, kũũ da ba taa faŋ a na toɔ̃ nyɔge O taa. 25#Yiel 16:8-11 Bonso, Devid da yeli kyaare ne o la:
‘N nyɛ la a Daana n niŋesogɔ tegitegilɛ,
bonso o be la n nudoloŋ ka N na ta miine;
26Azuiŋ, N poɔ da pɛlɛɛ la ka N da kyellɛ,
kyɛ lɛ yoŋ naane, N na voorɔ la ne teɛretɔroo.#2:26 Teɛretɔroo: A Dagaaba mine maŋ yeli ka Kyelloo.
27Bonso, fo koŋ bare a n seɛ ka o kpɛ Dazugovũũ,
bee a vɛŋ ka a fo Nensoŋ poɔ̃.
28Fo eɛɛ la ka N baŋ nyɔvore sobie;
fo na e la ka n be fo niŋesogɔ a paale ne popeɛloŋ.’
29 #
Tom 13:36; 1 Nam 2:10 “N taaba Izerayɛl noba, N na baŋ ŋmɛ la nyaa a yeli ko yɛ ka a te sããkoma Devid da kpie la ka ba ũũ o, ka a o yaa naŋ be te zie a wa tɔ zenɛ. 30#Yiel 89:3-4; 2 Sam 7:12-13 O naŋ da waa Ŋmen-yelmanna zuiŋ, o da baŋ ka Naaŋmen da pollɛɛ la, a eŋ noɔre ko o ka O na biŋ la o bie kaŋ a o nakogi zu. 31A Devid daŋ nyɛ la a yeli ŋa, lɛnso ka o da yeli a Kirista kũũ poɔ leɛ-iruu yɛlɛ, a yele,
‘Ba da ba gyɛ O bare a kuuni poɔ,
bee a sage ka a O eŋɛ poɔ̃.’
32A Yeezu ŋa la ka Naaŋmen da e ka o leɛ-iri, ka te zaa e a yeli ŋa dansediribe. 33Naaŋmen pãã da zɛge O la ka O do zeŋ O nudoloŋ seŋ, kyɛ ka O da de a Vooroŋ Soŋ a Saa naŋ da eŋ noɔre ka O na tere la, ona la ka O paale ne te ka yɛ nyɛ a kyɛ woŋ. 34#Yiel 110:1 A Devid da ba do tenvelaa, kyɛ o meŋɛ la da yeli:
‘A Daana Naaŋmen da yeli ko la a n Daana
“Zeŋ a n nudoloŋ seŋ,
35a te ta lɛ saŋ N naŋ na e ka fo dɔndɔnne leɛ a fo gbɛɛ kɔgraa.” ’
36 #
Tom 5:31
Azuiŋ, yɛ vɛŋ ka a Izerayɛl noba zaa baŋ kyerete ka Naaŋmen zɛge la a Yeezu ŋa yɛ naŋ da kpa a dagaraa zu, ka O waa Daana ane Kirista.”
A Dɛndɛŋ Noba Naŋ Da Kpɛ A Kiristabiiri Puoruu Poɔ
37 #
Tom 16:30
Ba naŋ da woŋ a ŋaa, a da tɔ la ba sukyie, ka ba da soore a Piita ane a o taaba apostoliimine, “Yɔɔmine, te e wola?” 38#Tom 3:17-19; Luk 24:47 Ka a Piita yeli ko ba, “Yɛ leɛ yɛ eebo, ka yɛ yeni yeni zaa de suobu a Yeezu Kirista yuori eŋɛ, a nyɛ yelbebe sudi, kyɛ yɛ na nyɛ la a Vooroŋ Soŋ kyɔɔtaa. 39#Gyow 3:1 Bonso, yɛnee ane yɛ biiri la ka Naaŋmen da eŋ a noɔre ŋa tere ane banaŋ zaa naŋ be tɔɔre zaa ane neɛzaa a Daana, a te Naaŋmen naŋ boɔle.” 40#Begɛ 32:5; Fil 2:15 A Piita da wuli ba la yɛlɛ yaga a kyɛ kanne ba a yele, “Yɛ faa yɛmenne yi a zenɛ faaloŋ noba zie.” 41Lɛ la ka a banaŋ zaa naŋ da sage de a o yɛlɛ da de suobu. A lɛ daare noba naŋ da sage de a yɛlɛ a poɔ ba poɔ da ta ŋa noba turi ata. 42#Tom 20:7 A noba bama da kpimare la a apostoliimine wuluu, a da laŋna ne ba, a laŋna ŋmaara a boroboro a kyɛ laŋna puoro.
A Dɛndɛŋ Yelderebɛ Da De La Ba Boma Lantaa
43Dabeɛ̃ da kpɛ la a noba zaa bonso, a apostoliimine da tonɔ la toŋkpeɛne ane yelwulii yaga. 44#Tom 4:32 Kyɛ banaŋ zaa naŋ da de a Yeezu yɛlɛ da laŋ la taa, a laŋ boma. 45Ba da maŋ koɔre la a ba boma ba naŋ taa ane boma ba naŋ so a de a libie poŋ ko ba zaa a seŋ a naŋ wono ba yeni yeni zaa lɛ. 46#Tom 2:42 Bie la bie zaa, ba da maŋ taa la teɛroŋ yeni laŋna taa a Ŋmendie poɔ a ba nagra. Ba da maŋ ponno la boroboro ba yie poɔ kyɛ dire ba diibu ne eŋyuo ane popeɛloŋ, 47#Tom 4:4; 5:14; 11:21; 14:1 a danna Naaŋmen, ka a noba zaa da nɔŋ ba yɛlɛ. Bie la bie zaa a Daana da maŋ e la ka banaŋ zaa naŋ da nyɛrɛ faabo waana poɔrɔ ba poɔ.
Поточний вибір:
Toma 2: DGA
Позначайте
Копіювати
Порівняти
Поділитись
Хочете, щоб ваші позначення зберігалися на всіх ваших пристроях? Зареєструйтеся або увійдіть
Dagaare First Bible © The Bible Society of Ghana, 2025.