मत्ती 1
1
येशुल बङशवाल
लूका ३:२३-३८
1आका अब्राहामल ज़ा दाऊदल ज़ा येशु ख्रीस्टल बङशावलील टिप्पनी हो। 2अब्राहाम इसहाकलं बौ लेऊ। इसहाक याकूबल बौ लेऊ। याकूब यहूदा सनर नकाल आदाज्यू भाईयाङल बौ लेऊ। 3यहूदा सनर फारेसलं बौ जाहेर लेऊ, न्याअमा तामार लेऊ, फारेस हेस्रोनल बौ, हेस्रोन आरामल बौ, 4आराम अम्मीनादाबल बौ अम्मीनादाब नहशोनल बौ नहशोन सल्मोनल बौ,#रुथ ४:१९-२० 5सल्मोन बोअजल बौ आअमा राहाब लेऊ, ओबेदल बौ। ओबेदल आअमा रुथ लेऊ, ओबेद यिशैल बौ, 6यिशै दाऊद रयल बौ लेऊ, दाऊद सोलोमनल बौ लेऊ, ओटन सोलोमनल आअमा उरियाहल मेएमा लेऊ।#२शमूयल १२:२४ 7सोलोमन रहबामल बौ, रहबाम अबियाल बौ, अबिया आसालं बौ, 8आसा यहोशापातल बौ, यहोशापात यहोरामल बौ, यहोराम उज्जियाहल बौ, 9उज्जियाह योतामल बौ, योताम आहाजल बौ, आहाज हिजकियाल बौ, 10हिजकिया मनश्शेलं बौ, मनश्शे अम्मोनल बौ, अम्मोन योसियाहल बौ, 11योसियाह, यकोनियास सनर आभाईयाङल बौ लेऊ जब नकाङ बेबिलोनल यहूदीयाङजन बन्दी जाएस्यु रालाङौ ओइ बेला जर्मिस्यु लेवाङ।#२राजा २४:१४-१५; २इतिहास ३६:१०; यर्मिया २७:२० 12शालतिएलल आबौ यकोनियास बेबिलोनल बन्दी जाएस्यु रालाङौल छिन्ट समन लिज्याऔ, शालतिएल यरुबाबेलल बौ, 13यरुबाबेल अबिउदल बौ, अबिउद एल्याकिमल बौ, एल्याकिम आजोरल बौ, 14आजोर सादोकल बौ, सादोक आखिमल बौ, आखिम एलिउदल बौ, 15एलिउद एलाजारल बौ, एलाजार मतानलं बौ, मतान याकूबल बौ, 16ईकाइ याकूब ज्या योसेफल बौ, जोल आमेएमा मरियम हो, ईकाइ मरियमङन्ज येशुल जन्म ताइस्यु लेऊ, जोजन ख्रीस्ट#1:16 ख्रीस्ट=अबिसिक्त ऐढासिऊ। 17नैताइस्यु अब्राहामतन दाऊद समन चौध पुस्ता ताइवाङ, सनर दाऊदल पालाक बेबिलोनल राहुलिसिऊ समन चौध पुस्ता, ओटन बेबिलोनल बन्दी रालेऊकन ख्रीस्टल पाला समन चौध पुस्ता ताइस्यु लेवाङ।
येशु ख्रीस्टल जरम
लूका २:१-७
18येशुल जन्म ऐटाइन्या किसिमले ताहौ, कि येशुल आमा मरियमजन योसेफल कुईत वाङस्यु लेवाङ, तर नकानेल नेंब्याहा आमाताहौ हादेए मरियम पबित्र आत्माङन गुरभ्यानि आताइन्या रा:सनौ।#लूका १:१७ 19तर मरियमलं आयो योसेफ धार्मिक रु आताहौकाले मरियमजन लाजल मापराइन्या बिचार ढास्यु नाजन गोप्यलै राइन्या यिङ आढोव। 20तर जब योसेफले ईका छेन यिङज्याऊ, आमङल परमप्रभुल दुत रंनस्यु ओलजन ऐआढोव, “ऐ, योसेफ दाऊदल ज़ा, न मेएमा मरियमजन अपनाइस्यु नझिम लाङन्या ताछ्यातन, दानाङभन्या नकाल गर्बल लिज्यान्या पबित्र आत्माङन्ता हो। 21नकाले तोलोअ ज़ा जर्माइवा, ओटन नङ ओलं मिन येशु नाएस्योना दानाङभन्या येशुले आरुयाङजन रा: पापतन बचाइन्या लेया।”#भजनसङ्ग्रह ४६:१; लूका १:३१
22परमप्रभुले अगमबक्ताङन आछ्योङन्या बचन पुरा ताहौ नाल्टैज ईका सोगलै ताहौ हो,#यशैया ७:१४ 23“ब्याएते, कनन्या गुरभ्यानि ताइन्यालेया ओटन नाले तोलोअ ज़ा जर्माइन्यालेया ओटन ओलं मिन इम्मानुएल नाएन्या लेसिया,” जोल अर्थ हो “परमेस्वर गे सकाए।”#यशैया ७:१४ 24जब योसेफ म्वाईस्यु सन्सिऊ तब परमप्रभुल दुतले ओलजन आपानस्यान्या अनुसार नाले मरियमजन आमेएमाल हिसापत झिमल आहोनौ। 25मरियमले ज़ा आमाजर्माहौ समन योसेफ नका सकाए मारुउदा जब छिन्ट ज़ा जर्मिऊ तब योसेफले ओलं मिन येशु आनाटौ।#लूका २:२१
Поточний вибір:
मत्ती 1: NTSKm25
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
