Psalms 59
59
1အို အကျွန်ုပ်၏ဘုရားရှင်၊ အကျွန်ုပ်၏ရန်သူတို့လက်မှ အကျွန်ုပ်ကို ကယ်တင်တော်မူပါ။ အကျွန်ုပ်အား တိုက်ခိုက်ကြသူတို့၏ဘေးမှ အကျွန်ုပ်ကို လုံခြုံစွာစောင့်ရှောက်တော်မူပါ။ 2အပြစ်ဒုစရိုက်ပြုသောသူတို့ထံမှ အကျွန်ုပ်အားကယ်တင်၍ သတ်ဖြတ်တတ်ကြသူတို့၏လက်မှ အကျွန်ုပ်ကိုကယ်တင်တော်မူပါ။ 3အကြောင်းမူကား သူတို့သည် အကျွန်ုပ်၏အသက်ကိုသတ်ရန် ချောင်းမြောင်းကြပါ၏။ ခွန်အားကြီးသူတိုသည် အကျွန်ုပ်ကိုဆန့်ကျင်လျက် ပူးပေါင်းကြံစည်ကြပါ၏။ အို ဘုရားရှင်၊ အကျွန်ုပ်ကျူလွန်သော အပြစ်ကြောင့်မဟုတ်ပါ။ အမှန်ပင် အကျွန်ုပ်၏အပြစ်ကြောင့်မဟုတ်ပါ။ 4အကျွန်ုပ်ထံတွင် အပြစ်ဒုစရိုက်မရှိဘဲ သူတို့သည်ပြေးလာ၍ အသင့်ပြင်ထားကြပါ၏။ အကျွန်ုပ်အား ကူညီမစရန် နိုးထ၍ကြည့်ရှုတော်မူပါ။ 5အနန္တတန်ခိုးတော်နှင့်ပြည့်စုံတော်မူသော ဘုရားရှင်၊ ကိုယ်တော်သည် အစ္စရေးလူမျိုး၏ဘုရားရှင်ဖြစ်ပါ၏။ လူမျိုးတကာတို့အား ဒဏ်ခတ်ရန်ထတော်မူပါ။ သစ္စာမဲ့သောယုတ်ညံ့သူ တစ်စုံတစ်ဦးကိုမျှ သနားတော်မမူပါနှင့်။ 6သူတို့သည် နေဝင်ချိန်၌ပြန်လာ၍ ခွေးကဲ့သို့မာန်ဖီဟိန်းဟောက်လျက် မြို့ကိုလှည့်ပတ်ကြပါ၏။ 7သူတို့၏နှုတ်များမှ စော်ကားပြောဆိုကြပါ၏၊ သူတို့၏လျှာသည် ဓားကဲ့သို့ဖြစ်နေကြပါ၏။ သူတို့က "မည်သူကြားသနည်း" ဟု ပြောဆိုကြပါ၏။ 8သို့သော် အို ဘုရားရှင်၊ ကိုယ်တော်သည် သူတို့ကို ရယ်မောတော်မူ၏။ လူမျိုးအပေါင်းတို့ကို ပြက်ရယ်ပြုတော်မူ၏။ 9အို အကျွန်ုပ်၏ အစွမ်းသတ္တိ၊ ကိုယ်တော်ကို အကျွန်ုပ်စောင့်စားပါ၏။ အကြောင်းမူကား ဘုရားရှင်သည် အကျွန်ုပ်၏ခိုကိုးရာဖြစ်တော်မူ၏။ 10အကျွန်ုပ်၏ မေတ္တာကရုဏာတော်ရှင် ဘုရားရှင်သည် အကျွန်ုပ်ကိုကြိုဆိုတော်မူလိမ့်မည်။ ဘုရားရှင်သည် အကျွန်ုပ်အား ရန်သူတို့အား အပေါ်စီးမှကြည့်မြင်ရသောအခွင့်ကို ပေးတော်မူလိမ့်မည်။ 11ထိုသူတို့ကို သတ်တော်မမူပါနှင့်။ သတ်လျှင် အကျွန်ုပ်၏လူမျိုးတို့သည် မေ့လျော့ကြပါလိမ့်မည်။ ကိုယ်တော်၏တန်ခိုးတော်အားဖြင့် သူတို့ကို လှည့်လည်သွားလာစေတော်မူပါ။ အကျွန်ုပ်တို့၏ ဒိုင်းလွှားဖြစ်တော်မူသောဘုရားရှင် သူတို့ကို နိမ့်ကျစေတော်မူပါ။ 12သူတို့၏နှုတ်မှထွက်သောအပြစ်နှင့် သူတို့၏နှုတ်ထွက်စကားကြောင့်လည်းကောင်း၊ သူတို့ရေရွတ်ကြသော ကျိန်ဆဲစကားနှင့် လိမ်လည်ပြောဆိုသော စကားတို့ကြောင့်လည်းကောင်း သူတို့သည် မိမိတို့၏မာကြီးခြင်းထဲ၌ ကျော့ကွင်းမိကြပါစေ 13သူတို့အား အမျက်ဒေါသဖြင့် အပြီးသတ်သုတ်သင်တော်မူပါ သူတို့မရှိတော့သည်အထိ အပြီးသတ်သုတ်သင်တော်မူပါ။ ထိုအခါ ဘုရားရှင်သည် ယာကုပ်မှစ၍ ကမ္ဘာမြေအစွန်းတိုင်အောင် အုပ်စိုးတော်မူကြောင်း သိကြပါလိမ့်မည်။ 14သူတို့သည် နေဝင်ချိန်၌လာလျက် ခွေးကဲ့သို့မာန်ဖီဟိန်းဟောက်ကာ မြို့အနှံ့လှည့်လည်ကြပါ 15သူတို့သည် အစာအတွက် လှည့်လည်သွားလာကြပြီး အစာမဝပါက အော်မြည်ကြပါ၏။ 16အကျွန်ုပ်မူကား ကိုယ်တော်အစွမ်းသတ္တိအကြောင်းကို သီကျူးပါမည်။ နံနက်အချိန်၌ ကိုယ်တော်၏ မေတ္တာကရုဏာတော်အကြောင်း ရွှင်လန်းဝမ်းမြောက်စွာ ကြွေးကြော်ပါမည်။ အကြောင်းမူကား အကျွန်ုပ်ဘေးအန္တရာယ်နှင့်ကြုံတွေ့ရသောအချိန်တွင် ကိုယ်တော််သည် အကျွန်ုပ်၏ခိုကိုးရာနှင့် ဘေးလွတ်ရာဖြစ်တော်မူ၏။ 17အို အကျွန်ုပ်၏အစွမ်းသတ္တိ၊ ကိုယ်တော်ကို အကျွန်ုပ်သီဆိုချီးမွမ်းပါမည်။ အကြောင်းမူကား ဘုရားရှင်သည် အကျွန်ုပ်၏ ခိုကိုးရာဖြစ်တော်မူ၏။ အကျွန်ုပ်၏ မေတ္တာကရုဏာရှင် ဘုရားရှင်ဖြစ်တော်မူ၏။
Поточний вибір:
Psalms 59: TPV-RV
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Psalms 59
59
1အို အကျွန်ုပ်၏ဘုရားရှင်၊ အကျွန်ုပ်၏ရန်သူတို့လက်မှ အကျွန်ုပ်ကို ကယ်တင်တော်မူပါ။ အကျွန်ုပ်အား တိုက်ခိုက်ကြသူတို့၏ဘေးမှ အကျွန်ုပ်ကို လုံခြုံစွာစောင့်ရှောက်တော်မူပါ။ 2အပြစ်ဒုစရိုက်ပြုသောသူတို့ထံမှ အကျွန်ုပ်အားကယ်တင်၍ သတ်ဖြတ်တတ်ကြသူတို့၏လက်မှ အကျွန်ုပ်ကိုကယ်တင်တော်မူပါ။ 3အကြောင်းမူကား သူတို့သည် အကျွန်ုပ်၏အသက်ကိုသတ်ရန် ချောင်းမြောင်းကြပါ၏။ ခွန်အားကြီးသူတိုသည် အကျွန်ုပ်ကိုဆန့်ကျင်လျက် ပူးပေါင်းကြံစည်ကြပါ၏။ အို ဘုရားရှင်၊ အကျွန်ုပ်ကျူလွန်သော အပြစ်ကြောင့်မဟုတ်ပါ။ အမှန်ပင် အကျွန်ုပ်၏အပြစ်ကြောင့်မဟုတ်ပါ။ 4အကျွန်ုပ်ထံတွင် အပြစ်ဒုစရိုက်မရှိဘဲ သူတို့သည်ပြေးလာ၍ အသင့်ပြင်ထားကြပါ၏။ အကျွန်ုပ်အား ကူညီမစရန် နိုးထ၍ကြည့်ရှုတော်မူပါ။ 5အနန္တတန်ခိုးတော်နှင့်ပြည့်စုံတော်မူသော ဘုရားရှင်၊ ကိုယ်တော်သည် အစ္စရေးလူမျိုး၏ဘုရားရှင်ဖြစ်ပါ၏။ လူမျိုးတကာတို့အား ဒဏ်ခတ်ရန်ထတော်မူပါ။ သစ္စာမဲ့သောယုတ်ညံ့သူ တစ်စုံတစ်ဦးကိုမျှ သနားတော်မမူပါနှင့်။ 6သူတို့သည် နေဝင်ချိန်၌ပြန်လာ၍ ခွေးကဲ့သို့မာန်ဖီဟိန်းဟောက်လျက် မြို့ကိုလှည့်ပတ်ကြပါ၏။ 7သူတို့၏နှုတ်များမှ စော်ကားပြောဆိုကြပါ၏၊ သူတို့၏လျှာသည် ဓားကဲ့သို့ဖြစ်နေကြပါ၏။ သူတို့က "မည်သူကြားသနည်း" ဟု ပြောဆိုကြပါ၏။ 8သို့သော် အို ဘုရားရှင်၊ ကိုယ်တော်သည် သူတို့ကို ရယ်မောတော်မူ၏။ လူမျိုးအပေါင်းတို့ကို ပြက်ရယ်ပြုတော်မူ၏။ 9အို အကျွန်ုပ်၏ အစွမ်းသတ္တိ၊ ကိုယ်တော်ကို အကျွန်ုပ်စောင့်စားပါ၏။ အကြောင်းမူကား ဘုရားရှင်သည် အကျွန်ုပ်၏ခိုကိုးရာဖြစ်တော်မူ၏။ 10အကျွန်ုပ်၏ မေတ္တာကရုဏာတော်ရှင် ဘုရားရှင်သည် အကျွန်ုပ်ကိုကြိုဆိုတော်မူလိမ့်မည်။ ဘုရားရှင်သည် အကျွန်ုပ်အား ရန်သူတို့အား အပေါ်စီးမှကြည့်မြင်ရသောအခွင့်ကို ပေးတော်မူလိမ့်မည်။ 11ထိုသူတို့ကို သတ်တော်မမူပါနှင့်။ သတ်လျှင် အကျွန်ုပ်၏လူမျိုးတို့သည် မေ့လျော့ကြပါလိမ့်မည်။ ကိုယ်တော်၏တန်ခိုးတော်အားဖြင့် သူတို့ကို လှည့်လည်သွားလာစေတော်မူပါ။ အကျွန်ုပ်တို့၏ ဒိုင်းလွှားဖြစ်တော်မူသောဘုရားရှင် သူတို့ကို နိမ့်ကျစေတော်မူပါ။ 12သူတို့၏နှုတ်မှထွက်သောအပြစ်နှင့် သူတို့၏နှုတ်ထွက်စကားကြောင့်လည်းကောင်း၊ သူတို့ရေရွတ်ကြသော ကျိန်ဆဲစကားနှင့် လိမ်လည်ပြောဆိုသော စကားတို့ကြောင့်လည်းကောင်း သူတို့သည် မိမိတို့၏မာကြီးခြင်းထဲ၌ ကျော့ကွင်းမိကြပါစေ 13သူတို့အား အမျက်ဒေါသဖြင့် အပြီးသတ်သုတ်သင်တော်မူပါ သူတို့မရှိတော့သည်အထိ အပြီးသတ်သုတ်သင်တော်မူပါ။ ထိုအခါ ဘုရားရှင်သည် ယာကုပ်မှစ၍ ကမ္ဘာမြေအစွန်းတိုင်အောင် အုပ်စိုးတော်မူကြောင်း သိကြပါလိမ့်မည်။ 14သူတို့သည် နေဝင်ချိန်၌လာလျက် ခွေးကဲ့သို့မာန်ဖီဟိန်းဟောက်ကာ မြို့အနှံ့လှည့်လည်ကြပါ 15သူတို့သည် အစာအတွက် လှည့်လည်သွားလာကြပြီး အစာမဝပါက အော်မြည်ကြပါ၏။ 16အကျွန်ုပ်မူကား ကိုယ်တော်အစွမ်းသတ္တိအကြောင်းကို သီကျူးပါမည်။ နံနက်အချိန်၌ ကိုယ်တော်၏ မေတ္တာကရုဏာတော်အကြောင်း ရွှင်လန်းဝမ်းမြောက်စွာ ကြွေးကြော်ပါမည်။ အကြောင်းမူကား အကျွန်ုပ်ဘေးအန္တရာယ်နှင့်ကြုံတွေ့ရသောအချိန်တွင် ကိုယ်တော််သည် အကျွန်ုပ်၏ခိုကိုးရာနှင့် ဘေးလွတ်ရာဖြစ်တော်မူ၏။ 17အို အကျွန်ုပ်၏အစွမ်းသတ္တိ၊ ကိုယ်တော်ကို အကျွန်ုပ်သီဆိုချီးမွမ်းပါမည်။ အကြောင်းမူကား ဘုရားရှင်သည် အကျွန်ုပ်၏ ခိုကိုးရာဖြစ်တော်မူ၏။ အကျွန်ုပ်၏ မေတ္တာကရုဏာရှင် ဘုရားရှင်ဖြစ်တော်မူ၏။
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.