Psalms 45
45
1အကျွန်ုပ်၏စိတ်နှလုံးသည် ကောင်းမြတ်သောစကားနှင့် ပြည့်လျှံလျက်ရှိပါ၏။ ရှင်ဘုရင်အတွက် အကျွန်ုပ်သီကုံးထားသောအရာများကို အကျွန်ုပ်ရွတ်ဆိုပါမည်။ အကျွန်ုပ်၏လျှာသည် ကျွမ်းကျင်သောစာရေးဆရာ၏ ကလောင်တံကဲ့သို့ဖြစ်၏။ 2ကိုယ်တော်သည် လူသားတို့ထက် အဆင်းလှပါ၏။ ကိုယ်တော်၏နှုတ်ခမ်းသည် ကျေးဇူးတော်ဖြင့် ဘိသိက်ခံရပါ၏။ ထို့ကြောင့် ဘုရားရှင်သည် ကိုယ်တော်ကို အစဉ်အမြဲ ကောင်းချီးပေးတော်မူပြီ။ 3တန်ခိုးကြီးသောအရှင်၊ ကိုယ်တော်၏ ဘုန်းကျက်သရေနှင့် ဘုန်းအာနုဘော်တည်းဟူသော ကိုယ်တော်ဓားကို ကိုယ်တော်၏နံဘေး၌ တပ်ဆင်တော်မူပါ။ 4သမ္မာတရား၊ နှိမ့်ချခြင်း၊ ဖြောင့်မတ်ခြင်းတို့နှင့်သက်ဆိုင်သော အရေးကိစ္စအတွက် ကိုယ်တော်၏ဘုန်းအာနုဘော်ကိုဆောင်လျက် အောင်မြင်စွာစီးနင်း၍ ကြွမြန်းတော်မူပါ။ ကိုယ်တော်၏ လက်ယာလက်တော်သည် အံ့ဖွယ်အမှုတို့ကို ပြသတော်မူပါစေ။ 5ကိုယ်တော်၏ မြားတို့သည် ချွန်ထက်၍ ရှင်ဘုရင်၏ရန်သူတို့၏ နှလုံးသားထဲသို့ စူးဝင်ကြပါ၏။ လူမျိုးတကာတို့သည် ကိုယ်တော်၏ခြေတော်အောက်၌ လဲကျကြရပါ၏။ 6အို ဘုရားရှင်၊ ကိုယ်တော်၏ပလ္လင်တော်သည် ကာလအစဉ်အဆက်တည်၍ တရားမျှတသော ရာဇလှံတံသည် ကိုယ်တော့်နိုင်ငံတော်၏ ရာဇလှံတံဖြစ်ပါ၏။ 7ကိုယ်တော်သည် ဖြောင့်မတ်ခြင်းကိုနှစ်သက်၍ ယုတ်မာကောက်ကျစ်ခြင်းကို မုန်းတီးတော်မူ၏။ ထို့ကြောင့် ဘုရားရှင်တည်းဟူသော ကိုယ်တော်၏ဘုရားရှင်သည် ကိုယ်တော်၏အပေါင်းအဖော်များထက် ကိုယ်တော်အား ဝမ်းမြောက်ရွှင်လန်းခြင်းဟူသည့် ဆီမွှေးဖြင့် ဘိသိက်ပေးတော်မူ၏။ 8ကိုယ်တော်၏ ဝတ်လဲတော်ရှိသမျှတို့သည် မုရန်၊ သစ်မွှေ၊ သစ်ကြံပိုးရနံ့တို့ဖြင့် မွှေးကြိုင်လျက်ရှိပါ၏။ ဆင်စွယ်နန်းတော်များမှ ကြိုးတပ်တူရိယာတို့သည် ကိုယ်တော်ကို ဝမ်းမြောက်စေပါ၏။ 9ကိုယ်တော်၏ မြင့်မြတ်သောအမျိုးသမီးများထဲတွင် ရှင်ဘုရင်တို့၏သမီးတော်များ ပါဝင်ကြပါ၏။ မိဖုရားသည် ဩဖိရရွှေကိုဆင်မြန်းလျက် ကိုယ်တော်၏ လက်ယာဘက်တွင် ရပ်နေပါ၏။ 10သမီး၊ နားထောင်လော့၊ ကြည့်ရှုဆင်ခြင်၍ နားစွင့်လော့။ သင်၏လူမျိုးနှင့် သင့်ဖခင်၏အိမ်ကို မေ့ထားလော့။ 11ရှင်ဘုရင်သည် သင်၏အလှအား လိုလားနှစ်သက်တော်မူလိမ့်မည်။ သူသည် သင်၏အရှင်သခင်ဖြစ်သောကြောင့် သူ၏ရှေ့၌ ပျပ်ဝပ်လော့။ 12တုရုပြည်သားတို့သည် သင်၏ထံမှ မျက်နှာသာရအောင် ကြိုးစားကြလိမ့်မည်။ ချမ်းသာကြွယ်ဝသူတို့သည်လည်း သင့်ထံမှ မျက်နှာသာရအောင် ကြိုးစားကြလိမ့်မည်။ 13ရှင်ဘုရင်၏သမီးတော်သည် ဂုဏ်ကျက်သရေအပေါင်းနှင့်ပြည့်စုံလျက် အတွင်းဆောင်၌၏။ သူမ၏အဝတ်တန်ဆာအား ရွှေချည်ဖြင့်ရောစပ်၍ ရက်လုပ်ထား၏။ 14ဇာပန်းထိုးထည်ဆင်မြန်းထားသည့် သူမအား ရှင်ဘုရင်ထံသို့ ပို့ဆောင်ကြ၏။ သူမ၏နောက်လိုက်အပေါင်းအဖော်များဖြစ်ကြသော သူမ၏နောက်လိုက် အပျိုတော်တို့ကိုလည်း ကိုယ်တော်ထံသို့ ခေါ်ဆောင်လာကြ။ 15သူတို့အား ဝမ်းမြောက်ခြင်းနှင့် ရွှင်လန်းခြင်းတို့ဖြင့် ပို့ဆောင်ကြ၍ သူတို့သည် ဘုရင့်နန်းတော်သို့ဝင်ကြ၏။ 16ကိုယ်တော်၏သားတို့သည် ကိုယ်တော့်ဘိုးဘေးတို့၏ အရိုက်အရာကို ဆက်ခံကြသူများဖြစ်ကြ၍ ကိုယ်တော်သည် သူတို့အား ကမ္ဘာမြေတစ်ခွင်လုံး၌ အကြီးအကဲများ ဖြစ်စေတော်မူလိမ့်မည်။ 17အကျွန်ုပ်သည် ကိုယ်တော်နာမတော်အား မျိုးရိုးအစဉ်အဆက် အောက်မေ့စေပါမည်။ ထို့ကြောင့် လူမျိုးတကာတို့သည် ကာလအစဉ်အဆက် ကိုယ်တော်ကို ချီးမွမ်းကြပါလိမ့်မည်။
Поточний вибір:
Psalms 45: TPV-RV
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Psalms 45
45
1အကျွန်ုပ်၏စိတ်နှလုံးသည် ကောင်းမြတ်သောစကားနှင့် ပြည့်လျှံလျက်ရှိပါ၏။ ရှင်ဘုရင်အတွက် အကျွန်ုပ်သီကုံးထားသောအရာများကို အကျွန်ုပ်ရွတ်ဆိုပါမည်။ အကျွန်ုပ်၏လျှာသည် ကျွမ်းကျင်သောစာရေးဆရာ၏ ကလောင်တံကဲ့သို့ဖြစ်၏။ 2ကိုယ်တော်သည် လူသားတို့ထက် အဆင်းလှပါ၏။ ကိုယ်တော်၏နှုတ်ခမ်းသည် ကျေးဇူးတော်ဖြင့် ဘိသိက်ခံရပါ၏။ ထို့ကြောင့် ဘုရားရှင်သည် ကိုယ်တော်ကို အစဉ်အမြဲ ကောင်းချီးပေးတော်မူပြီ။ 3တန်ခိုးကြီးသောအရှင်၊ ကိုယ်တော်၏ ဘုန်းကျက်သရေနှင့် ဘုန်းအာနုဘော်တည်းဟူသော ကိုယ်တော်ဓားကို ကိုယ်တော်၏နံဘေး၌ တပ်ဆင်တော်မူပါ။ 4သမ္မာတရား၊ နှိမ့်ချခြင်း၊ ဖြောင့်မတ်ခြင်းတို့နှင့်သက်ဆိုင်သော အရေးကိစ္စအတွက် ကိုယ်တော်၏ဘုန်းအာနုဘော်ကိုဆောင်လျက် အောင်မြင်စွာစီးနင်း၍ ကြွမြန်းတော်မူပါ။ ကိုယ်တော်၏ လက်ယာလက်တော်သည် အံ့ဖွယ်အမှုတို့ကို ပြသတော်မူပါစေ။ 5ကိုယ်တော်၏ မြားတို့သည် ချွန်ထက်၍ ရှင်ဘုရင်၏ရန်သူတို့၏ နှလုံးသားထဲသို့ စူးဝင်ကြပါ၏။ လူမျိုးတကာတို့သည် ကိုယ်တော်၏ခြေတော်အောက်၌ လဲကျကြရပါ၏။ 6အို ဘုရားရှင်၊ ကိုယ်တော်၏ပလ္လင်တော်သည် ကာလအစဉ်အဆက်တည်၍ တရားမျှတသော ရာဇလှံတံသည် ကိုယ်တော့်နိုင်ငံတော်၏ ရာဇလှံတံဖြစ်ပါ၏။ 7ကိုယ်တော်သည် ဖြောင့်မတ်ခြင်းကိုနှစ်သက်၍ ယုတ်မာကောက်ကျစ်ခြင်းကို မုန်းတီးတော်မူ၏။ ထို့ကြောင့် ဘုရားရှင်တည်းဟူသော ကိုယ်တော်၏ဘုရားရှင်သည် ကိုယ်တော်၏အပေါင်းအဖော်များထက် ကိုယ်တော်အား ဝမ်းမြောက်ရွှင်လန်းခြင်းဟူသည့် ဆီမွှေးဖြင့် ဘိသိက်ပေးတော်မူ၏။ 8ကိုယ်တော်၏ ဝတ်လဲတော်ရှိသမျှတို့သည် မုရန်၊ သစ်မွှေ၊ သစ်ကြံပိုးရနံ့တို့ဖြင့် မွှေးကြိုင်လျက်ရှိပါ၏။ ဆင်စွယ်နန်းတော်များမှ ကြိုးတပ်တူရိယာတို့သည် ကိုယ်တော်ကို ဝမ်းမြောက်စေပါ၏။ 9ကိုယ်တော်၏ မြင့်မြတ်သောအမျိုးသမီးများထဲတွင် ရှင်ဘုရင်တို့၏သမီးတော်များ ပါဝင်ကြပါ၏။ မိဖုရားသည် ဩဖိရရွှေကိုဆင်မြန်းလျက် ကိုယ်တော်၏ လက်ယာဘက်တွင် ရပ်နေပါ၏။ 10သမီး၊ နားထောင်လော့၊ ကြည့်ရှုဆင်ခြင်၍ နားစွင့်လော့။ သင်၏လူမျိုးနှင့် သင့်ဖခင်၏အိမ်ကို မေ့ထားလော့။ 11ရှင်ဘုရင်သည် သင်၏အလှအား လိုလားနှစ်သက်တော်မူလိမ့်မည်။ သူသည် သင်၏အရှင်သခင်ဖြစ်သောကြောင့် သူ၏ရှေ့၌ ပျပ်ဝပ်လော့။ 12တုရုပြည်သားတို့သည် သင်၏ထံမှ မျက်နှာသာရအောင် ကြိုးစားကြလိမ့်မည်။ ချမ်းသာကြွယ်ဝသူတို့သည်လည်း သင့်ထံမှ မျက်နှာသာရအောင် ကြိုးစားကြလိမ့်မည်။ 13ရှင်ဘုရင်၏သမီးတော်သည် ဂုဏ်ကျက်သရေအပေါင်းနှင့်ပြည့်စုံလျက် အတွင်းဆောင်၌၏။ သူမ၏အဝတ်တန်ဆာအား ရွှေချည်ဖြင့်ရောစပ်၍ ရက်လုပ်ထား၏။ 14ဇာပန်းထိုးထည်ဆင်မြန်းထားသည့် သူမအား ရှင်ဘုရင်ထံသို့ ပို့ဆောင်ကြ၏။ သူမ၏နောက်လိုက်အပေါင်းအဖော်များဖြစ်ကြသော သူမ၏နောက်လိုက် အပျိုတော်တို့ကိုလည်း ကိုယ်တော်ထံသို့ ခေါ်ဆောင်လာကြ။ 15သူတို့အား ဝမ်းမြောက်ခြင်းနှင့် ရွှင်လန်းခြင်းတို့ဖြင့် ပို့ဆောင်ကြ၍ သူတို့သည် ဘုရင့်နန်းတော်သို့ဝင်ကြ၏။ 16ကိုယ်တော်၏သားတို့သည် ကိုယ်တော့်ဘိုးဘေးတို့၏ အရိုက်အရာကို ဆက်ခံကြသူများဖြစ်ကြ၍ ကိုယ်တော်သည် သူတို့အား ကမ္ဘာမြေတစ်ခွင်လုံး၌ အကြီးအကဲများ ဖြစ်စေတော်မူလိမ့်မည်။ 17အကျွန်ုပ်သည် ကိုယ်တော်နာမတော်အား မျိုးရိုးအစဉ်အဆက် အောက်မေ့စေပါမည်။ ထို့ကြောင့် လူမျိုးတကာတို့သည် ကာလအစဉ်အဆက် ကိုယ်တော်ကို ချီးမွမ်းကြပါလိမ့်မည်။
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.