Apocalipsis 7:15-16

Ja'nca ba'icuabi Riusu jëja guëna seihuëna ti'ansi'cua ba'iyë. Riusu huë'ere ba'ijën, Riusu yo'ore jo'caye beoye conjën, na'ijaijën ñatajaijën ba'iyë. Ba'ijënna, ta'yejeiye Ëjaguë Riusubi bacua naconi jo'caye beoye si'arën ba'iguë, bacuani ai oiguë conguë ba'iji. Ja'nca conguëna, bacua yua se'e aon gu'ana ju'inma'iñë. Gare se'e oco ëana ju'inma'iñë. Bacua yua gare se'e gue ënsë uye beoye ba'iyë. Gare se'e ja'su ju'iñe beoye ba'iyë.