Саалтыр 40
40
1Хуор салайааччытыгар. Давид псалома.
2Ким кыраны-кыамматы умнубат, ол дьоллоох.
Кыһалҕалаах күнүгэр кинини Айыы Тойон быыһыаҕа,
3 Айыы Тойон көмүскүөҕэ, тыыннаах хаалларыаҕа,
оччоҕо кини сиргэ дьоллооҕунан ааттаныаҕа.
Эн кинини өстөөхтөрүн илиилэригэр биэриэҥ суоҕа.
4Ыалдьан-бохтон сыттаҕына, Айыы Тойон бөҕөргөтүөҕэ.
Ыарыйдаҕына, Эн кинини бары ыарыытыттан үтүөрдүөҕүҥ.
5Мин эппитим: «Айыы Тойон, миигин абыраа,
үтүөрт мин дууһабын;
Эйигин утары аньыыны оҥорбуппун».
6Өстөөхтөрүм мин туспунан өһүөннээхтик кэпсэтэллэр,
хаһан эрэ өлөн, ааттыын-суоллуун умнуллар дэһэллэр.
7Ким эмэ миигин көрсө кэллэҕинэ, кураанаҕы эрдэр,
иһигэр куһаҕаны саныы олорор
уонна, таҕыста да, онтун уҥа-хаҥас ыһар-тоҕор.
8Миигин абааһы көрөөччүлэр бары
мин туспунан хобугунаһаллар,
куһаҕаны миэхэ оҥорорго сананаллар,
9«Кырыыс киниэхэ тиийдэ,
аны турбаттыы сытта», – дэһэллэр.
10Бэл эрэммит эйэ-дэмнээх доҕорум,
мин килиэппин сиэбит киһи, миигин тэпсээри оҥоһунна.
11Абыраа миигин, Айыы Тойон,
атахпар туруор, оччоҕо мин кинилэргэ төлүөҕүм.
12Өстөөҕүм иннибин ылбатаҕына, онтон билиэҕим
Эн миэхэ үтүө сыһыаннааххын.
13Чөллөөҕүм иһин, Эн миигин харыстыаҕыҥ,
үйэлэр тухары Бэйэҥ аттыгар илдьэ сылдьыаҕыҥ.
14Алгыс буоллун Айыы Тойоҥҥо, Израиль Таҥаратыгар,
үйэттэн үйэҕэ диэри.
Аминь, аминь.
Поточний вибір:
Саалтыр 40: СБК
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© Институт перевода Библии, 2008-2022