Саалтыр 36
36
1Давид псалома.
Куһаҕан быһыылаахтан долгуйума,
буруйу оҥорооччуну ордугурҕаама.
2Кинилэр сотору от курдук кууруохтара,
күөх үүнээйи курдук ииниэхтэрэ.
3 Айыы Тойоҥҥо эн эрэн итиэннэ үтүөнү оҥор,
бу сир үрдүгэр олорон, Киниэхэ бэриниилээх буол.
4 Айыы Тойон буоллун эн дууһаҥ дуоһулаҥа,
оччоҕо Кини сүрэҕиҥ баҕатын толоруоҕа.
5Суолгун Айыы Тойоҥҥо туттар,
Киниэхэ эрэн, оччоҕо көмөлөһүөҕэ.
6Көнө быһыыгын күнүскү сырдыктыы күндээрдэн көрдөрүөҕэ,
кырдьыккын күн уотунуу сандаардан таһаарыаҕа.
7 Айыы Тойон иннигэр чуумпур, Киниэхэ эрэн;
суолугар ситиһиилэнээччиттэн,
уодаһыннааҕы торумнааччыттан долгуйума.
8Кыыһыраргын хааллар, уордайаргын уурат,
кыйаханыма-тымтыма, ол куһаҕаҥҥа эрэ тиэрдиэҕэ.
9Тоҕо диэтэххэ, куһаҕаны оҥорооччулар имири эстиэхтэрэ,
оттон Айыы Тойоҥҥо эрэнээччилэр сири бас билиэхтэрэ.
10Бэрт сотору хара дьайдаах киһи суох буолуоҕа,
сылдьыбыт сирин көрүөҥ да, кинини булуоҥ суоҕа.
11Оттон көрсүө-сэмэй дьон сири бас билиэхтэрэ,
эйэлээх олоҕунан толору дуоһуйуохтара.
12Хара дьайдаах киһи кырдьыксыты утары сананар,
кинини көрө-көрө тииһин хабырынар;
13ол эрэн Айыы Тойон хара дьайдааҕы күлэр,
күнэ-дьыла кэлэн эрэрин Кини көрөр.
14Кыраны-кыһалҕалааҕы өлөрөөрү,
көнө суоллааҕы-иистээҕи өһөрөөрү,
хара дьайдаахтар кылыстарын таһаараллар,
ох сааларын кирсин тардаллар.
15Ол эрэн кылыстара бэйэлэрин сүрэхтэрин супту түһүөҕэ,
ох саалара тосту барыаҕа.
16Көнө киһи кыра да баардааҕа
мөкү дьон барҕа баайынааҕар ордук.
17Куһаҕаны оҥорооччулар күүстэрэ-уохтара мөлтүөҕэ,
оттон көнө дьону Айыы Тойон өйүөҕэ.
18 Айыы Тойон омсото суохтарга күннэтэ кыһаллыаҕа,
кинилэр нэһилиэстибэлэрэ үйэлэргэ барыаҕа.
19Суостаах да кэмҥэ кинилэр кыбыстыахтара суоҕа,
сут да кэмигэр аччыктаан ааһыахтара суоҕа.
20Оттон хара дьайдаахтар өлүөхтэрэ,
Айыы Тойон өстөөхтөрө
бараан сыатыныы ууллан сүтүөхтэрэ,
буруо курдук суола суох симэлийиэхтэрэ.
21Нэгэй киһи иэс ылан баран төннөрбөт;
оттон көнө киһи үтүө, кини бэринньэҥ илиилээх.
22 Айыы Тойон алҕаабыт дьоно сири бас билиэхтэрэ,
Кини кыраабыт дьоно имири эстиэхтэрэ.
23 Айыы Тойон көнө киһи айанын суолуттан үөрэр,
кини хардыытын өссө чиҥэтэн биэрэр.
24Оннук киһи, дубук үктээбитин да иһин, охтуо суоҕа –
Айыы Тойон кинини илиититтэн тутуоҕа.
25Мин эмиэ эдэр этим, билигин бу кырыйдым,
ол тухары көрө иликпин
Таҥара кырдьыксыты хаалларбытын,
кини оҕолоро килиэп умналыылларын.
26Кырдьыксыт өрүү дьэллэм, улгумнук иэс биэрэр;
кини оҕолоро алгыс төрдө буолаллар.
27Куһаҕантан тэйэ тутун, үтүөнү оҥор,
оччоҕо эн үйэ тухары олоруоҥ.
28 Айыы Тойон кырдьыгы таптыыр,
Бэйэтин сибэтиэйдэрин Кини хаалларыа суоҕа.
Кини кырдьыктаахтары үйэлэр тухары харыстыаҕа,
оттон хара дьайдаахтар удьуордара быстыаҕа.
29Көнө-көрсүө дьон сири бас билиэхтэрэ,
онно үйэлэр тухары олоруохтара.
30Кырдьыксыт киһи тыла-өһө ыллыктаах,
кини этэрэ сиэрдээх.
31Таҥаратын Сокуона сүрэҕэр дириҥник иҥэн,
кини хардыыта чиҥ.
32Хара дьайдаах киһи кырдьыксыты маныыр,
хайдах өлөрөрүн була сатыыр.
33 Айыы Тойон кырдьыксыты киниэхэ биэриэ суоҕа,
дьүүллүү да илтэхтэринэ, буруйдатыа суоҕа.
34 Айыы Тойоҥҥо эн эрэн, Кини суолун тутус,
оччоҕо, сири бас билэриҥ туһугар, Кини эйигин үрдэтиэҕэ;
Эн хара дьайдаахтар имнэри эстэллэрин көрүөҕүҥ.
35Мин суостаах-суодаллаах бардам киһини көрөрүм,
кини Ливан сыалаах маһыныы баараҕай этэ;
36ол эрэн ааһан хаалбыта, суола суох сүппүтэ,
көрдөөбүтүм да, мин кинини булбатаҕым.
37Эн омнуота суох олохтоохтору көрөр буол,
көнө-көрсүө дьонтон хараххын араарыма:
эйэ-дэмнээхтэр удьуордара салҕанан барар.
38Оттон буруйу оҥорооччу барыта эстиэҕэ,
хара дьайдаахтар удьуордара быстыаҕа.
39Көнө-көрсүө дьону Айыы Тойон быыһыыр,
күчүмэҕэй күннэригэр көмүскүүр;
40 Айыы Тойон көмөлөһөн, кинилэри өрүһүйэр;
Киниэхэ эрэнэллэрин иһин,
хара дьайдаахтартан өрүһүйэр, быыһаан ылар.
Поточний вибір:
Саалтыр 36: СБК
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© Институт перевода Библии, 2008-2022
Саалтыр 36
36
1Давид псалома.
Куһаҕан быһыылаахтан долгуйума,
буруйу оҥорооччуну ордугурҕаама.
2Кинилэр сотору от курдук кууруохтара,
күөх үүнээйи курдук ииниэхтэрэ.
3 Айыы Тойоҥҥо эн эрэн итиэннэ үтүөнү оҥор,
бу сир үрдүгэр олорон, Киниэхэ бэриниилээх буол.
4 Айыы Тойон буоллун эн дууһаҥ дуоһулаҥа,
оччоҕо Кини сүрэҕиҥ баҕатын толоруоҕа.
5Суолгун Айыы Тойоҥҥо туттар,
Киниэхэ эрэн, оччоҕо көмөлөһүөҕэ.
6Көнө быһыыгын күнүскү сырдыктыы күндээрдэн көрдөрүөҕэ,
кырдьыккын күн уотунуу сандаардан таһаарыаҕа.
7 Айыы Тойон иннигэр чуумпур, Киниэхэ эрэн;
суолугар ситиһиилэнээччиттэн,
уодаһыннааҕы торумнааччыттан долгуйума.
8Кыыһыраргын хааллар, уордайаргын уурат,
кыйаханыма-тымтыма, ол куһаҕаҥҥа эрэ тиэрдиэҕэ.
9Тоҕо диэтэххэ, куһаҕаны оҥорооччулар имири эстиэхтэрэ,
оттон Айыы Тойоҥҥо эрэнээччилэр сири бас билиэхтэрэ.
10Бэрт сотору хара дьайдаах киһи суох буолуоҕа,
сылдьыбыт сирин көрүөҥ да, кинини булуоҥ суоҕа.
11Оттон көрсүө-сэмэй дьон сири бас билиэхтэрэ,
эйэлээх олоҕунан толору дуоһуйуохтара.
12Хара дьайдаах киһи кырдьыксыты утары сананар,
кинини көрө-көрө тииһин хабырынар;
13ол эрэн Айыы Тойон хара дьайдааҕы күлэр,
күнэ-дьыла кэлэн эрэрин Кини көрөр.
14Кыраны-кыһалҕалааҕы өлөрөөрү,
көнө суоллааҕы-иистээҕи өһөрөөрү,
хара дьайдаахтар кылыстарын таһаараллар,
ох сааларын кирсин тардаллар.
15Ол эрэн кылыстара бэйэлэрин сүрэхтэрин супту түһүөҕэ,
ох саалара тосту барыаҕа.
16Көнө киһи кыра да баардааҕа
мөкү дьон барҕа баайынааҕар ордук.
17Куһаҕаны оҥорооччулар күүстэрэ-уохтара мөлтүөҕэ,
оттон көнө дьону Айыы Тойон өйүөҕэ.
18 Айыы Тойон омсото суохтарга күннэтэ кыһаллыаҕа,
кинилэр нэһилиэстибэлэрэ үйэлэргэ барыаҕа.
19Суостаах да кэмҥэ кинилэр кыбыстыахтара суоҕа,
сут да кэмигэр аччыктаан ааһыахтара суоҕа.
20Оттон хара дьайдаахтар өлүөхтэрэ,
Айыы Тойон өстөөхтөрө
бараан сыатыныы ууллан сүтүөхтэрэ,
буруо курдук суола суох симэлийиэхтэрэ.
21Нэгэй киһи иэс ылан баран төннөрбөт;
оттон көнө киһи үтүө, кини бэринньэҥ илиилээх.
22 Айыы Тойон алҕаабыт дьоно сири бас билиэхтэрэ,
Кини кыраабыт дьоно имири эстиэхтэрэ.
23 Айыы Тойон көнө киһи айанын суолуттан үөрэр,
кини хардыытын өссө чиҥэтэн биэрэр.
24Оннук киһи, дубук үктээбитин да иһин, охтуо суоҕа –
Айыы Тойон кинини илиититтэн тутуоҕа.
25Мин эмиэ эдэр этим, билигин бу кырыйдым,
ол тухары көрө иликпин
Таҥара кырдьыксыты хаалларбытын,
кини оҕолоро килиэп умналыылларын.
26Кырдьыксыт өрүү дьэллэм, улгумнук иэс биэрэр;
кини оҕолоро алгыс төрдө буолаллар.
27Куһаҕантан тэйэ тутун, үтүөнү оҥор,
оччоҕо эн үйэ тухары олоруоҥ.
28 Айыы Тойон кырдьыгы таптыыр,
Бэйэтин сибэтиэйдэрин Кини хаалларыа суоҕа.
Кини кырдьыктаахтары үйэлэр тухары харыстыаҕа,
оттон хара дьайдаахтар удьуордара быстыаҕа.
29Көнө-көрсүө дьон сири бас билиэхтэрэ,
онно үйэлэр тухары олоруохтара.
30Кырдьыксыт киһи тыла-өһө ыллыктаах,
кини этэрэ сиэрдээх.
31Таҥаратын Сокуона сүрэҕэр дириҥник иҥэн,
кини хардыыта чиҥ.
32Хара дьайдаах киһи кырдьыксыты маныыр,
хайдах өлөрөрүн була сатыыр.
33 Айыы Тойон кырдьыксыты киниэхэ биэриэ суоҕа,
дьүүллүү да илтэхтэринэ, буруйдатыа суоҕа.
34 Айыы Тойоҥҥо эн эрэн, Кини суолун тутус,
оччоҕо, сири бас билэриҥ туһугар, Кини эйигин үрдэтиэҕэ;
Эн хара дьайдаахтар имнэри эстэллэрин көрүөҕүҥ.
35Мин суостаах-суодаллаах бардам киһини көрөрүм,
кини Ливан сыалаах маһыныы баараҕай этэ;
36ол эрэн ааһан хаалбыта, суола суох сүппүтэ,
көрдөөбүтүм да, мин кинини булбатаҕым.
37Эн омнуота суох олохтоохтору көрөр буол,
көнө-көрсүө дьонтон хараххын араарыма:
эйэ-дэмнээхтэр удьуордара салҕанан барар.
38Оттон буруйу оҥорооччу барыта эстиэҕэ,
хара дьайдаахтар удьуордара быстыаҕа.
39Көнө-көрсүө дьону Айыы Тойон быыһыыр,
күчүмэҕэй күннэригэр көмүскүүр;
40 Айыы Тойон көмөлөһөн, кинилэри өрүһүйэр;
Киниэхэ эрэнэллэрин иһин,
хара дьайдаахтартан өрүһүйэр, быыһаан ылар.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© Институт перевода Библии, 2008-2022