Популярні біблійні вірші з Matɨyu 19

Поділитись

Ose ulahonɨngkofi Jisas hofɨkimo tɨmo uhwononto ulɨmento, A'amuso hopo'maho. Oso hiso Anɨtu yososo hoponoho.

Oseso siko a'amu hufa'u umo'nanji'maho. O'o, sikoe a'apahoso anga'nohino umo'nanjiyoho. Oso'no Anɨtu osiya'umo nto mekotɨjwahumasofoho. U, oloso nomtɨhuposo'eno.

Ose ulohonɨngkahonɨngkofi Jisas ulɨmento, Sekwo Anɨtuye hungkuno olo so'no huno maseyo'njo liyohoho. Anɨtuye yo'mayo hopi'nono mtɨ'mokumentiso sohonta kako hwe'nji ape'nji mtɨ'mokumentisofoho. Nomtɨ'mokonto ole lɨmento, Olo hilo so'no fihwo kanɨngkwohwo kona'wohimo ulɨko'mahwosi kakoe ape'nji nem'no makotoku woloho'nanjiyoho. Siko'ya'u anga'nohino umo'nanjiyoho.

Jisas ulɨmento, Sekwo mehomi somo nopɨjumofɨkutoho. O'o, hofɨko ngkiyepono wapɨfe. Anɨtu a'amumo mokosyohumayoso mehomi pa'nyomnoho.

Hwe fihwo kako olo hwaho lopo nohumanto hwe engo hwo'nyoho syofɨsyalokusoso oso hwe huhwo sohwo Anɨtuye ponemo soso sohwo kako hwe engo'maho. We'yo hweho. Hwe nom'nihwo kako olo hwaho lopo nohumanto hwe engo hwo'nɨmaho. We'yo hwo'nyoho syofɨsyalokuso sohwo oso hwe huhwo sohwo kako Anɨtuye ponemo soso sohwo kako hwe engo imo'none hweho.

Hwe moya'mi hopi'nonohinoso hofɨko hofɨkoe ango homnɨngkwa'wehwosanji hapiyosɨjanji mpohwo na'u mehomi hwaho yo'mayoso ngkine'no nje hungkunomne'no ulɨko'mapijoso i, oso a'amu oso hiso'no yo'mayo pi'nɨngo engo wopɨngoso mapitnnefoho. Oso'nji hofɨko songo ne'no humayo'neso notɨpemapitnnefoho.

Ose ulahonɨngki Jisas ulɨmento, Jɨje honɨngkano wopɨngo hwofilo'nnyo umo'nɨmo lohojɨ'manji jɨje ho'yango yo'mayo hopi'nonohinoso a'amu mpe wakilohopɨfe. U, kɨko hamniyoho maho oso hiso nomahoji a'amu yo'mayoso umofonyo iwo'nɨngkohofo somo uyo. Kɨko ose isoso kɨko ahwomomjo ho'yango neso woma'monnoho. Ose yohoji kɨko ngkimo tɨfi nnɨngkape.

Ose ulohonɨngkahonɨngki Jisas Ulɨmento, Kɨko yo'mayo wopɨngo so'no peho'no ntohonɨngkino. Nɨhu'no anga'nohino sohwo wopɨngo hweho. Mpohwo kako'nohinoho. U, kɨko songo ne'no humayo'neso woma'mo lohoji kɨko honɨngkano hungkuno hopi'nonohino somo tɨfi finɨngkahwoho.

Ngko apa'no waselɨmonne'no yohono. Yahu fihwo kako yongo imo pa'nyo so'mo wahumo lɨhwosi yososo wonyopi umontonoho. Oso pa'nyoso hwe ho'yango hamniyoho yo'mayoso aho yokumpohn'nyo kemokosyohumantoso sohwo Anɨtumo enjwa'mo wohumamo lɨhwosi yososo hopo'maho. O'o, kako yahu sohwo yongo imo pa'nyo so'mo wahumo lɨhwosi ijijo wonyopi yoso hopaso oso hwe ho'yango engo'njo sohwo oseno yonefoho.

Ngko nje hungkuno waselɨmonne'no yohono. Hwe fihwo kakoe ape honɨngkano wonyo mmofe'njo simo hwehwo kako wae yaofɨhwosi nom'ne ape masoso oso hwe sohwo kako ape ito'no mayo honɨngkano somo mtɨhupeso sohwo kako ose yososo kako honɨngkano wonyo'njo hweho.

Nowahonɨngki Jisas kakoe inomokomoyo sohwamo ulɨmento, Ngko hungkuno nehopi waselɨmonne'no yohono. A'amu hamniyoho yo'mayoso engo'njo yokumpohn'nyo kemokosyohumaso sohwo kako ahwomomo Anɨtu umokosyohumayo sopone'no ijijoyonefoho.