Популярні біблійні вірші з SANTIAGO 5

Puꞌñi jaꞌk jum aaꞌ na pim duiñchuꞌndaꞌñ jaaduñ. Xi chu aꞌgat japim xi chum uañdhat maaꞌn ñiꞌook xip buaꞌt noꞌ pimɨt tuꞌ bhaan mam uaꞌtulh dai aapiꞌm jam bui, na baꞌ guꞌp jam kɇɇkɇꞌ gu Dios na pim paiꞌ dhuuk puꞌñi soiꞌ ba tɨtdadaꞌ na pim tum daañxiꞌñdhaꞌ bɨɨx jɨꞌmaꞌn na jam duduaꞌñdhaꞌ noꞌt ba ji jam ai gu jax chuꞌm koꞌkdaiꞌ, sia gu jam iꞌiiꞌmdaꞌ bhaan. Na guꞌ gu jaroiꞌ noꞌ moo miꞌ puiꞌ xi dhuiñchuꞌ na jax jaꞌk moox aaꞌ guch Gɨꞌkoraꞌ, bɨxchuꞌx bhaiꞌm duukam jix bhaaiꞌ na pu tu duñiaꞌ bhaankamuꞌn, na guꞌ kɇɇkɇꞌ na paiꞌ dhuuk muiꞌ ba taandaꞌ.

Guꞌ baꞌ noꞌ moo maadɨt aapiꞌm cham bhaiꞌ tu jim na tuꞌ na pɨx bhaan jum tulhiiñ, jum aaꞌ na soiꞌm ɨlhdhai pu tɨɨdaꞌ gu Dios na palhbuidhaꞌ na baꞌ miꞌ dhɨr cham kam tulhiiñdhaꞌ. Piam ku guꞌx bhaiꞌ tu jim, baꞌx jɨkgɨm jup tuꞌiiꞌ nax bhaiꞌ tu tatdaꞌ, dho guꞌ dai dho na laalaꞌñxiꞌñdhaꞌ gu alabaaꞌn buiñor gu Dios na taxchaabgiꞌñdhaꞌ.

Duaꞌñdhaꞌ dho guch Gɨꞌkoraꞌ noꞌ mɨt bɨɨx ja jujur kɨꞌn soiꞌm ɨlhdhak buiñor tu daañxi, tu uaꞌñdhaꞌ ɨp noꞌt tuꞌ bhaan jum uaꞌtulh buiñor.

Piam ku guꞌ jaroiꞌ maadɨt ɇɇ gu jax chuꞌm kokdaiꞌ na kɨꞌn jix kaꞌook, dai na ja umuaꞌñdhaꞌ dho guch Xoiꞌkam jɨɨgiꞌñdham guiꞌ nam jɨꞌk bɨjɨk dɨr ba tɨ jɨɨgiꞌñ nam tu daañxidhaꞌ buiñor gu Dios na duaꞌñdhaꞌ xi juulhdhai am palhɨɨp gu asait.

dhiꞌ gɇꞌkam kɨꞌn jix bhaiꞌ ba duñiaꞌ, na guꞌ guguuxdhaimɨi na jax jaꞌk dui giop bax biiñak kaꞌ buiñor guch Gɨꞌkoraꞌ, baꞌ bɨɨx pu tu uañdhaꞌ ɨp gio gu Dios na jɨꞌk uaꞌtulhdhargaꞌn. Miꞌ dhɨr baꞌ cham tuꞌ mu jaꞌk ka bhɨichgɨdaꞌ na paiꞌ gammɨjɨ miꞌ pup jum tulhiiñdhaꞌ gɨt.