Популярні біблійні вірші з Ichanohichuru 11

Поділитись

Nitohaneein cuhin jetaote, cuu eruhin, amae Antioquihau. Cuu jetaote neeurelu, itolereneein lejaanacaain, cuu nenacaauru Jesocurisito ranojoihunru aina cuu nenacaauru cachaauru relaa. Nii Antioquihau jetaote, jauriaanejeein, “Curisitianoneein”, Jesocurisito ranojoihunru curuaateeuruhane nunuheteeurelu.

Inae Antioquihau turuhin, acaauru coaracuruhane jana jetaote, caohatiin acaauru coroatajaniha Cana Coaunerane coaraane jaun jetao, jataain coroaje Berenabeen. Nitohaneein coroajeeinte, esinae rauhijiriin Jesocurisito esenetaain, baaso coacuelanaala esinae rauhijiriin nere tonoraauruhane coina, suujuatenajae Berenabeen. Caohacha cachaneein, Cana Coaunera Suujue que suujuequiin, jataain Jesocurisito esenetaera nihana jaunte, nitohane Berenabeen. Nitohaneein jetaote suujua coreein Jesocurisito ranojoihunru aina neeure arajiin cachaauru.

Aihana jaun, Jesocurisito esenetaacachene jana, cana rai Suujue tihane rijijieein, leeochaauru rai netonai, rai Suujue tiha Cana Coaunerane, nainihaaun nii caohatera rijitiin, irihanu canu neta. Chaneeina nereeun canu, Cana Coaunera colaihaje cuaain, nii caohatera rijitiin irihanune”, naa Fedorone janate, ninauhene cuuraatoraain, cuu aonajeeure nii Jerosaleeun nenacaauru Jesocurisito coreniha cana nejeraauru. Nitohaneein aonajeeuruhane baihate, Cana Coaunera coroaecure, “Caohacha quete, Jorioniheichuru netonai coroatajane Cana Coaunera, acaauru netonai suujua coreein ichaonaa chabana nitajenaa charaneein nenaa raauruhane coinara”, naain.