Популярні біблійні вірші з Is 59

Поділитись

¡Palta man̈ 'ichc ta'! A tas maysch'olnil tze b'o'o, a chi 'ayc' 'a e nan̈l yet' Dios. A jun tzo'n̈ e mul cha, a tz'ec' jen̈n 'a e nan̈l yet'oc, yuj cha, man̈xtzac snib'j yab' tas tzeyala.

A tzeyutj e nani to x'el yip Jehová, man̈xtzac stac' on̈ scolni. Tze nan paxi tecn to x'och chacn̈il yuj cha matz yab' tas tzeyal 'a 'a.

Yuj cha, xyaln Jehová chi 'ixtic: A ticnec, tzin b'ocn jun in trato tic eyet'oc, tzwa'n can in ti', to a Wespíritu yet' jun tzo'n̈ cuynb'il xwa'cn 'ayex, may xon b'a'n̈ 'oj 'el 'ayex. 'Oj e cuycn eb' eyunnal 'a in checnb'il cha, ax eb' eyunnal chi 'oj cuync can pax yunnal b'aq'uin̈. Tzcan jun in trato tic eyet' 'a jun 'ejmn̈ej, xchi Dios.

Smasnil 'anma 'a yolyib'n̈q'uinl tic, caw wal 'oj xiw eb' yiln sjaw Jehová yet' spoder. Niwn pax yel'ch 'a sat eb', atn eb' cajn 'a stojlal 'aj tzq'uel c'u yet' 'a stojlal 'aj tz'em c'u. Yujto 'icha wal sjaw a 'elmal a 'aych yic'al, caw 'ay smay, 'ixta wal 'oj jawoc.

A 'ix alni to 'oj jawc wul scol 'elt eb' 'aj Sión 'a yol sc'ab' syailal, atn smasnil eb' yin̈tl Jacob to tzna sb'a yuj smul.