Популярні біблійні вірші з Dt 30

Поділитись

Wal 'a jun c'u tic, tzwa'n can 'och satcha'an̈ yet' lum lum tic testigoal to 'ix wa'cn e si'loc tas tze nib'ej, ¿am q'uinal, mto a chamel? ¿am yaxilal, mto a catab'? Palta a cab' e q'uinl tze si'cn 'eli, sec wach' 'oj eyaj e b'ey yet' eb' eyin̈tl 'a eyojltac b'aq'uin̈. Chamc'ojlejc Jehová qui Diosalec, yiclumn̈ej tzeyutj e b'a 'a 'a, tzex 'och tza'n yu'uj. Toto 'ixta', yujn̈ej Jehová 'oj e cha e q'uinal, najtl 'oj eyec' cajn 'a sat lum lum 'ix yac' Jehová sti ya'n 'a eb' qui mam quichmec, atn Abraham, Isaac yet' Jacob, xchi Moisés.

Yuj cha, tzwalcn 'ayx ticnec to tze chamc'ojlej Jehová qui Diosalec, tzex 'och tza'n yu'uj, tzeyiclni schecnb'il, yet' scuynb'il. Toto 'ixta', wach' 'oj eyaj e b'ey 'a swach'il. Caw 'oj niwtjoc e b'isul, ax ya'n Jehová syaxilal 'a eyib'n̈ 'a sat lum lum 'oj eyico'oc cha.

A ticnec, tic wal tzwac' e si'loc 'aj 'ay tas tze nib'ej: ¿tom a e q'uinal yet' swach'ilal mto a maysch'olnil yet' chamel?

Ocxo jun, a jun checnb'il tic caw la'n yaj 'a qui tz'eyec. Tzlaj calb'tan̈oc, 'ayc' pax xon 'a qui nab'enec, sec wach' tztac' qui yiclniec.

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

'Oj eyoch ricoal yuj Jehová Dios, ax ya'n syaxil 'a yib'n̈ smasnil tas 'oj e b'o', 'a yib'n̈ eyunnal, 'a yib'n̈ e cajb'en noc', yet' 'a yib'n̈ smasnil e munljel. 'Oj tzaljoc Jehová yuj tas wach' tze b'o'o, 'icha yutjnac stzalj yet' eb' qui mam quichmec.

Palta toto tzeyij 'el e nab'en 'a 'a, matz e chaj eyab' smasnil jun tzo'n̈ tic, tzyal e c'ojl tzex 'och tza'n yuj jun tzo'n̈ comn dios, yic tzeyaln e b'a 'a 'a, tzex 'em cumn pax 'a yojltac eb', toto 'ixta', wal 'a jun c'u tic, tzwaln can 'ayex, chajtlto 'oj e chamn̈ej. Man̈ najtloc 'oj eyec' cajn 'a sat lum lum 'oj eyi'cn 'ec' 'a yic 'oj e c'axw 'ec' 'a yojl a Jordán.

A jun tzo'n̈ checnb'il wan wa'n eyojcoc can 'el tic, man̈ 'ajltacc qui yiclni, man̈ najtoc pax 'ayl 'a qui tz'ey.

Man̈oc 'a satchan̈ 'ay, sec wach' matz eyal 'ixtic: ¿Mach wal junc tztac' s'atq'ue 'a satchan̈ cujec, yic tz'at yab'nc 'emta, tzlajw cha, tzyaln pax cab'ec, sec wach' tzqui yicljec? sec man̈ xe chioc.

An̈jtona', man̈oc pax 'a sc'axpil 'ec' a mar 'ay, sec matz eyal 'ixtic: ¿Mach wal junc tztac' sc'axptan 'ec' a mar tic cujec, yic tz'at yab'nc 'e'ta, tzlajw cha, tzyaln pax cab'ec, sec wach' tzqui yicljec? sec man̈ xe chioc.