Популярні біблійні вірші з Ŋgengéná 2

Поділитись

Pyéere a ma wó wundíyé anáá: «Céndyáno vambé vá púrú vá vinó, ámó moto a duwana na ebérááná yá Yésusu Kirítu, ɔ́wɔ́ Irɔŋgɔ a né jwámó mabé má vinó, kó a né nó hwámó Mwáŋ mwáŋ wa Ireréŋgi.

Vámwané bimé vá katé vágíritana na ehoóhona éyé enásá e katé eréena ka búkyé, vá sɔ́tɔ́ náaté yá iretye ámó va navéne, vá nyányá orɔŋgɔ, vá vasoóriye orɔŋgɔ.

Bimé vá ma núwé táásé na Mwáŋ mwáŋ wa Ireréŋgi kó vá ma késyé ojárá virémbé vyá enjárá víndyé ámó Mwáŋ mwáŋ wa Ireréŋgi a katé eŋga anáá vá járá.

Kó vá ma buuwé ekáné yá oduŋgú ondo uré ówó na máná ámó ékáné yá puŋgi, kó odugŋú mwané ó ma núwé tút naáté yá yanje éyé vá katé rií ɔ́wɔ́. Kó vá ma ená motéé ámó virémbé vyá vato ví púrana na ihyáné, mó húmána osárámanda kaá ovátáryáana na notó ra ámó moto. Bimé vá ma núwé táásé na Mwáŋ mwáŋ wa Ireréŋgi kó vá ma késyé ojárá virémbé vyá enjárá víndyé ámó Mwáŋ mwáŋ wa Ireréŋgi a katé eŋga anáá vá járá.

Isí yimé, vá katé enda váwónjéena na yanje yá Irɔŋgɔ otémá umwéesií ka búkyé, vá táŋgáana beréte orɔŋgɔ na byanje vyáwó, vá nyányá naáté yá visaŋgena na usi wa otémá. Vá katé gúmíye Irɔŋgɔ kó vato bimé vá katé wó aká wusi, kó isí yimé, Okí a katé uswiyána vató ává a katé sótyé na iwónjá rá vatɔ́wɔ.

Irɔŋgɔ a járámó anáá: Na metúú má mamana, ŋgo né sarámindiyámó Ireréŋgi yámé na kána rá vato iŋgímé, embwene na ŋgwande rá vinó vá né riyámó vahúmíye maró, vinjára vyá vinó ví né enámó mamba ámá na ndímbe, virunú vyá vinó ví né reemanámó

Vatɔ́wɔ bimé vá ma ré rií wandá wómwéesií kó vá katé vaá até éyé vá katé timbe pandó imwesií. Vá ma ré sérá itimbaana yáwó na ekúmé ráwó obáyéta mwení, kaá otáŋgáana na moto uŋgimé kó ámó moto vá katé me hwá ŋgava éjé e katé geremena na mayátá máa.

Ɔ́wɔ́ moto aá moto ójó a mó béráanámó Okí a mó sɔ́tɔ́mó.

Oŋgóná o né búndámó mbinó na mbínó, ohé miné na miné, hɔrɔ́ ekáné yá wusí wá Okí ówó wá niimí wó arɔ́wɔ́ ka jine.