Популярні біблійні вірші з TEĒ 32

Поділитись

Dan ń ngán Israel gə̄ a̰a̰n̄ kadə̄ Moijə risə dɔ mbalá láẃ aĺ anī, kánə̄n̄ naā rɔ̄ Aaro̰ tə́, ədanən̄ na kə rāā nə́ɓā kə́ kadə̄ njə̄rā kété nodə́ tə́ kə adə̄də́, tɔdɔ̄ yá̰á̰ ń na rāā Moijə, nge teē sedə́ kem ɓē kə́ Ejiptə tə́ kɔ̄ɔ́ ní na n-gerə̄n̄ alé.

Anī Kɔ́ɔ̄ɓē əda Moijə na kə risə nang tə́ láẃ, tɔdɔ̄ ngán Israel gə̄ ń na teē sedə́ kem ɓē kə́ Ejiptə tə́ kɔ̄ɔ́ ní na rāān̄ yá̰á̰ kə́ majaĺ ngá̰ý, na tɔ̄ɔ̄n̄ láẃ ngá̰ý bā̰ā̰ loo tɔ̄ɔ̄ tə́ kɔ̄ɔ́ dɔ róbə́ ń na n-ɔjədə́ tə́ ní. Na rāān̄ ngōn̄ man̄g tām̄ yādə́ tə́ kə lɔ́ŕ kə́ nō horoó. Na ɔsən̄ nodə́ nang tə́ non tə́ ō, na tunə̄n̄ yá̰a̰ adə̄nən̄ ō. Tá ədan̄ na i nə́ɓā yādə́ ń na teē sedə́ kem ɓē kə́ Ejiptə tə́ kɔ̄ɔ́ ní n noó ō.

Dan ń Aaro̰ a̰a̰ beé anī, rāā loo tun̄ yá̰a̰ adə̄ ra sɔɔ̄ no ngōn̄ man̄g ní, ba ənī mbēr̄ əda na bírí na i nāā yā Kɔ́ɔ̄ɓē. Teē bírí anī ngán Israel gə̄ ḭḭn̄ dɔɔ́ kə gír looí ɓatə, ndējə̄n̄ yá̰a̰ tun̄ gə̄ kə́ yā róō horoó ō, yá̰a̰ tun̄ gə̄ kə́ tām̄ yā kem kógə̄ḿ tə́ ō. Gō tə́ anī tél ndin̄ nang tə́ əsan̄ yá̰a̰ ō, a̰ȳn̄ ō, ḭḭn̄ dɔɔ́ kógə̄n̄ naā ō.

Teē gō tə́ anī Moijə əda ngán Israel gə̄ na rāān̄ na i majaĺ kə́ bo ngá̰ý ba ń toō n-a n-tél yā kal̄ dɔɔ́ gogə́ rɔ̄ Kɔ́ɔ̄ɓē tə́ dɔ mbalá. Majanī na a ndigə gōn tə́ kadə̄ mā̰ȳ rɔ̄n dɔ majaĺ yādə́ tə́.