Популярні біблійні вірші з Titus 3

Поділитись

သို့သော် ကျွန်ုပ်တို့၏ ကယ်တင်ရှင်ဖြစ်သော ဘုရားရှင်၏ မဟာဂရုဏာတော်နှင့် ချစ်ခြင်းမေတ္တာတို့ ပေါ်လွင်ထင်ရှားလာသောအခါ ကျွန်ုပ်တို့ ပြုသည့်ဖြောင့်မတ်သောအရာတို့ကြောင့် မဟုတ်ဘဲ သနားကြင်နာတော်မူခြင်းကြောင့် ကျွန်ုပ်တို့သည် ကယ်တင်တော်မူခံရခြင်းဖြစ်၏။ ဉာဏ်အလင်းတော်၏ ဆေးကြောပေးခြင်းမှတဆင့် ကျွန်ုပ်တို့ကို အသစ်တစ်ဖန်မွေးဖွားစေခြင်းနှင့် စိတ်သစ်လူသစ်ဖြစ်စေခြင်းအားဖြင့် ကယ်တင်တော်မူ၏။ ဘုရားရှင်သည် ကျွန်ုပ်တို့၏ကယ်တင်ရှင်ဖြစ်သော ယေရှုခရစ်တော်အားဖြင့် ထိုဉာဏ်အလင်းတော်ကို ကျွန်ုပ်တို့အပေါ် ရက်ရောစွာ သွန်းလောင်းတော်မူ၏။ ဤသည်မှာ ကျွန်ုပ်တို့သည် ကျေးဇူးတော်အားဖြင့် တရားမျှတသည်ဟု သတ်မှတ်ခံရလျက် ကျွန်ုပ်တို့ မျှော်လင့်သည့် နိစ္စထာဝရအသက်ကို အမွေဆက်ခံနိုင်ရန်ဖြစ်၏။

အုပ်ချုပ်သူများနှင့် အာဏာပိုင်များကို နာခံကြရန် လူတို့အား သတိပေးလော့။ ထိုသူတို့၏စကားကို နာခံ၍ ကောင်းသောအရာအမျိုးမျိုးကို ပြုနိုင်ရန် အဆင်သင့်ဖြစ်နေရမည်။ သူတို့သည် မည်သူ့ကိုမျှ ကုန်းချောစကားမပြောဘဲ ငြိမ်းချမ်းစွာနေထိုင်၍ လူတိုင်းအပေါ် ထောက်ထားညှာတာသော စိတ်နှင့် နူးညံ့သိမ်မွေ့စွာ ဆက်ဆံရမည်။

သို့သော် မိုက်မဲသောအငြင်းပွားမှုများ၊ ဆွေစဉ်မျိုးဆက်စာရင်းများနှင့် ပညတ်တရားနှင့်ပတ်သက်၍ စကားများခိုက်ရန်ဖြစ်ခြင်းတို့ကို ရှောင်လော့။ အကြောင်းမူကား ထိုအရာများသည် အကျိုးမရှိသကဲ့သို့ အသုံးလည်းမဝင်သောကြောင့်ဖြစ်၏။

စိတ်ဝမ်းကွဲစေရန် လုပ်ဆောင်သောသူကို တစ်ကြိမ်၊ နှစ်ကြိမ်အထိ သတိပေးပြီးလျှင် ထိုသူနှင့် မည်သို့မျှအဆက်အဆံမပြုလေနှင့်။