Популярні біблійні вірші з Revelation 9

Поділитись

ဤဘေးဒဏ်ကြောင့်မသေဘဲ ကျန်ရစ်သောလူတို့သည် မိမိတို့ ကျူးလွန်သောအရာများအတွက် နောင်တမရကြ။ ရွှေ၊ ငွေ၊ ကြေး၊ ကျောက်၊ သစ်သားတို့ဖြင့် ပြုလုပ်ထားသော မမြင်နိုင် မကြားနိုင် လမ်းမလျှောက်နိုင်သော ရုပ်တုများနှင့် နတ်ဆိုးများကို ဆက်လက်ကိုးကွယ်ကြ၏။ ထိုသူတို့သည် မိမိတို့ပြုသည် လူသတ်ခြင်း၊ ပြုစားခြင်း၊ တရားနှင့်မညီသော မေထုန်ပြုခြင်း ခိုးခြင်းတို့အတွက် နောင်တမရကြ။

ထို့နောက် ထိုမီးခိုးမှ ကျိုင်းကောင်များသည် မြေကြီးပေါ်သို့ထွက်လာကြ၏။ သူတို့အား ကမ္ဘာမြေပေါ်ရှိကင်းမြီးကောက်အစွမ်းကဲ့သို့သော အစွမ်းကိုပေးထား၏။ သူတို့သည် ကမ္ဘာမြေပေါ်ရှိ မြက်ပင်များမှစ၍ အခြားစိမ်းစိုသောအပင်ငယ်မျာ၊ သစ်ပင်များကို ဖျက်စီးခွင့်မရှိ။

ပဉ္စ်မနတ်ဒေဝါသည် တံပိုးခရာမှုသောအခါ ကြယ်တစ်လုံးသည် ကောင်းကင်မှ ကမ္ဘာမြေပေါ်သို့ ကြွေကျသည်ကို ကျွန်ုပ်မြင်ရ၏။ ထိုကြယ်အား တွင်းနက်ကြီး၏ သော့ကိုပေးတော်မူ၏။

ထို့အပြင် လူတို့ကို အသေမသတ်ဘဲ ငါးလပတ်လုံး ညှဉ်းဆဲရန် ခွင့်ပြုထား၏။

သူတို့၏ရှင်ဘုရင်မှာ တွင်းနက်ကြီး၏နတ်ဒေဝါဖြစ်၏။ သူ၏အမည်မှာ ဟေဗြဲဘာသာဖြင့် အာဗဒ္ဒုန်ဖြစ်ပြီး ဂရိဘာသာဖြင့် အပေါလျုန်ဖြစ်၏။