Популярні біблійні вірші з Revelation 13

Поділитись

ဤကိစ္စနှင့်ပတ်သက်၍ ဉာဏ်ပညာရှိရန်လိုအပ်၏။ ဉာဏ်ပညာရှိသူသည် သားရဲ၏ ကိန်းဂဏန်းကိုတွက်ချက်၍ အဓိပ္ပါယ်ဖွင်နိုင်၏။ အဘယ်ကြောင့်ဆိုသော် ထိုကိန်းဂဏန်းသည် လူတစ်ဦးကို ကိုယ်စားပြုသောကြောင့်ဖြစ်၏။ သူ၏ကိန်းဂဏန်းမှာ ခြောက်ရာခြောက်ဆယ့်ခြောက်ဖြစ်၏။

အသေသတ်ခြင်းခံရသော သိုးသငယ်တော်၏ အသက်စာစောင်၌ ကမ္ဘာဦးအစကပင် အမည်စာရင်းပါသောသူများမှလွဲ၍ ကမ္ဘာလောက၌ နေထိုင်ကြသောသူအပေါင်းတို့သည် ထိုသားရဲကို ကိုးကွယ်ကြလိမ့်မည်။

ထို့ပြင် သူသည် လူတန်းစားအနိမ့် အမြင့်၊ လူချမ်းသာ၊ ဆင်းရဲသောသူ၊ လွပ်လပ်သူနှင့် ကျွန်ဖြစ်သူစသည့် လူအပေါင်းတို့၏ လက်ယာလက်၊ သို့မဟုတ် နဖူးပေါ်တွင် အမှတ်တံဆိပ်ကို ရိုက်နှိပ်စေ၏။ ထိုသားရဲ၏ အမည်၊ သို့မဟုတ်သူ၏ အမည်ကို ကိုယ်စားပြုသော ကိန်းဂဏန်းဖြစ်သည့် ထိုအမှတ်တံဆိပ်မရှိလျှင် မည်သူမျှ အရောင်းအဝယ်ခွင့်မပြုရ။

ထောင်ကျမည့်သူသည် ထောင်ချခံရလိမ့်မည်။ ဓားဖြင့် အသတ်ခံရမည်သူသည်လည်း ဓားဖြင့်အသတ်ခံရလိမ့်မည်။ ဤအကြောင်းကြောင့် ဘုရားရှင်၏ မြင့်မြတ်သောသူတို့သည် သည်းခံ၍ ယုံကြည်ရန်ဖြစ်၏။

ထို့နောက် သားရဲတစ်ကောင်သည် ပင်လယ်ထဲမှ တက်လာသည်ကို ကျွန်ုပ်မြင်ရ၏။ ထိုသားရဲ၌ ခေါင်းခုနှစ်လုံးနှင့် ဦးချိုဆယ်ချောင်းပါရှိပြီး ထိုဦးချိုများတွင် သရဖူဆယ်ခုရှိ၏။ ခေါင်းတစ်လုံးစီအပေါ်၌ ဘုရားရှင်ကို စောကားပြောဆိုသူတို့၏ အမည်များကိုရေးထား၏။

ထိုသားရဲသည် ဘုရားရှင်၏ မြင့်မြတ်သောသူတို့ကို တိုက်ခိုက်၍ အောင်နိုင်ခွင့်ရ၏ တိုင်းနိုင်ငံအသီးသီးရှိ ဘာသာစကားအမျိုးမျိုးကို ပြောဆိုသော လူမျိုးအပေါင်းတို့အား အုပ်စိုးခွင့်ကိုလည်းရရှိ၏။

သူသည် ပထမသားရဲကိုယ်စား ပြခွင့်ရသည့်နိမိတ်လက္ခဏာများဖြင့် ဤကမ္ဘာလောက၌ နေထိုင်ကြသော လူအပေါင်းတို့ကို လှည့်ဖြား၏။ ဓားဒဏ်ရာရထားသော်လည်း အသက်ရှင်သေးသော ပထမသားရဲ၏ရုပ်တုကို ပြုလုပ်ရန် လူတို့အား အမိန့်ပေး၏။ ထိုသားရဲသည် ထိုရုပ်တုအား အသက်သွင်းသည့် အစွမ်းတန်ခိုးကိုရရှိ၏။ ဤသည်မှာ ထိုရုပ်တုအား စကားပြေားစေရန်နှင့် ထိုရုပ်တုကို မကိုးကွယ်သောသူတို့အား သတ်ရန်ဖြစ်၏။

ကျွန်ုပ်မြင်ရသည့် ထိုသားရဲသည် ကျားသစ်နှင့်တူ၏။ သို့သော် သူ၏ခြေသည် ဝက်ဝံ၏ခြေနှင့်တူပြီး သူ၏ပါးစပ်သည် ခြင်္သေ့၏ပါးစပ်နှင့်တူ၏။ နဂါးသည် ထိုသားရဲအား မိမိ၏တန်ခိုး၊ မိမိ၏ ရာဇပလ္လင်နှင့် ကြီးမားသော အခွင့်အာဏာတို့ကို ပေးအပ်၏။

ထိုသားရဲသည် ကြွားဝါ၍ ဘုရားရှင်အား စော်ကားပြောဆိုတတ်သည့် နှုတ်ကို ရရှိထား၏။ လေးဆယ့်နှစ်လပတ်လုံး မိမိအလိုရှိသမျှ လုပ်နိုင်သော အခွင့်အာဏာကိုလည်း ရရှိထား၏။

ထိုသားရဲ၏ ဦးခေါင်းတစ်လုံးတွင် သေနိုင်လောက်သော ဒဏ်ရာရရှိထားသကဲ့သို့ဖြစ်သော်လည်း ထိုဒဏ်ရာသည် ပျောက်ကင်းသွား၏။ ကမ္ဘာလောက၌ နေထိုင်ကြသောသူအပေါင်းတို့သည် အံ့ဩစွာဖြင့် သားရဲနောက်သို့ လိုက်ကြ၏။

ထို့နောက်မြေကြီးထဲမှ ထွက်လာသော အခြားသားရဲတစ်ကောင်းကို အကျွန်ုပ်မြင်ရပြန်၏။ သူသည် ပထသားရဲ၏ အစွမ်းတန်ခိုးအလုံးစုံကို အသုံးပြု၏။ ထိုအပြင်ကမ္ဘာမြေကြီးနှင့် ကမ္ဘာလောက၌ နေထိုင်ကြသောသူတို့အား သေနိုင်လောက်သော ဒဏ်ရာမှ ပျောက်ကင်းသွားသည့် ပထမသားရဲကို ကိုယ်ကွယ်စေ၏။