Популярні біблійні вірші з Psalms 63

Поділитись

အို ဘုရားရှင်၊ ကိုယ်တော်သည် အကျွန်ုပ်၏ဘုရားဖြစ်တော်မူ၏။ အကျွန်ုပ်သည် ကိုယ်တော်ကို ကြိုးစား၍ရှာပါ၏။ ရေမရှိ၊ ခြောက်သွေ့ကွဲအက်သောမြေ၌ အကျွန်ုပ်၏စိတ်ဝိညာဉ်သည် ကိုယ်တော်အား တောင့်တပါ၏။ အကျွန်ုပ်၏သွေးသားသည် ကိုယ်တော်အား တမ်းတပါ၏။

ကိုယ်တော်၏ မေတ္တာကရုဏာတော်သည် အသက်ထက်သာ၍ ကောင်းမြတ်သောကြောင့် အကျွန်ုပ်၏နှုတ်ခမ်းသည် ကိုယ်တော်ကိုချီးမွမ်းပါမည်။

သို့ဖြစ်၍ အကျွန်ုပ်အသက်ရှင်နေသရွေ့ ကိုယ်တော်အား ချီးမွမ်းပါမည်။ ကိုယ်တော်၏နာမတော်အားဖြင့် အကျွန်ုပ်၏လက်ကိုမြှောက်ပါမည်။

သို့ဖြစ်၍ အကျွန်ုပ်သည် ကိုယ်တော်၏အစွမ်းသတ္တိနှင့် ကိုယ်တော်၏ဘုန်းအသရေတို့ကို တွေ့မြင်ရရန် ကိုယ်တော်အား သန့်ရှင်းမြင့်မြတ်ရာဌာနတော်၌ ဖူးမြော်ခဲ့ပါ၏။

ကိုယ်တော်သည် အကျွန်ုပ်ကို ကူညီမစသောအရှင်ဖြစ်သောကြောင့် အကျွန်ုပ်သည် ကိုယ်တော်၏အတောင်တော် အရိပ်အောက်၌ ရွှင်လန်းဝမ်းမြောက်စွာ သီဆိုချီးမွမ်းပါမည်။ အကျွန်ုပ်သည် ကိုယ်တော်အား ဖက်တွယ်ထားပါ၏။ ကိုယ်တော်လက်ယာလက်တော်သည် အကျွန်ုပ်ကို ထောက်မတော်မူ၏။

အကျွန်ုပ်သည် မိမိ၏အိပ်ရာပေါ်တွင် ကိုယ်တော်အား သတိရသောအခါ ညအချိန်တို့၌ ကိုယ်တော်အကြောင်းကို ဆင်ခြင်အောက်မေ့ပါ၏။