Популярні біблійні вірші з Psalms 42

Поділитись

အို အကျွန်ုပ်၏စိတ်ညာဉ်၊ သင်သည် အဘယ်ကြောင့် ညှိုးငယ်နေရပါသနည်း။ အကျွန်ုပ်အထဲ၌ အဘယ်ကြောင့် မငြိမ်မသက်ဖြစ်နေရပါသနည်း။ ဘုရားရှင်အား မျှော်လင့်၍ ယုံကြည်ကိုးစားလော့။ အကျွန်ုပ်သည် အကျွန်ုပ်အားကယ်တင်တော်မူသောအရှင်၊ အကျွန်ုပ်ဘုရားရှင်ကို နောက်ထပ်တစ်ဖန် ချီးမွမ်းပါမည်။

အို ဘုရားရှင်၊ သမင်သည် အေးမြသောစမ်းရေကို လိုလားတောင့်တသကဲ့သို့ ကိုယ်တော်အား အကျွန်ုပ် လိုလားတောင့်တပါ၏။ အကျွန်ုပ်၏စိတ်ဝိညာဉ်သည် ဘုရားရှင်တည်းဟူသော အသက်ရှင်တော်မူသည့်ဘုရားကို လိုလားတောင့်တပါ၏။ အကျွန်ုပ်သည် မည်သည့်အချိန်မှလာ၍ ဘုရားရှင်၏မျက်နှာတော်ကို ဖူးရပါမည်နည်း။

အို အကျွန်ုပ်၏စိတ်ဝိညာဉ်၊ သင်သည် အဘယ်ကြောင့်ညှိုးငယ်နေရသနည်း။ အကျွန်ုပ်အထဲ၌ အဘယ်ကြောင့် မငြိမ်မသက်ဖြစ်နေရသနည်း။ ဘုရားရှင်အား မျှော်လင့်လျက် ယုံကြည်ကိုးစားလော့။ အကြောင်းမူကား အကျွန်ုပ်သည် အကျွန်ုပ်ကယ်တင်ရှင်ဖြစ်တော်မူသည့် ဘုရားရှင်အား နောက်ထပ်တစ်ဖန် ချီးမွမ်းမည်ဖြစ်ပါ၏။

လူတို့က "သင်၏ဘုရားရှင်သည် မည်သည့်အရပ်၌ရှိသနည်း" ဟု အကျွန်ုပ်အား တစ်နေ့လုံးပြောဆိုကြသောအခါ အကျွန်ုပ်မျက်ရည်သည် နေ့ညမပြတ် အကျွန်ုပ်အတွက် စားစရာဖြစ်ရပါ၏။

အို အကျွန်ုပ်၏ဘုရားရှင်၊ အကျွန်ုပ်၏စိတ်ဝိညာဉ်သည် အကျွန်ုပ်အထဲ၌ ညှိုးငယ်လျက်ရှိပါ၏။ ထို့ကြောင့် အကျွန်ုပ်သည် ဂျော်ဒန်မြစ်ဝှမ်းနှင့် ဟေရမုန်တောင်ရိုးတို့မှလည်းကောင်း၊ မိဇရတောင်မှလည်းကောင်း ကိုယ်တော်ကိုအောက်မေ့ပါ၏။