Популярні біблійні вірші з မဿဲ 14

Поділитись

သို့သော်သူသည် လေပြင်းများတိုက်ခတ်လာနေသည်ကိုမြင်လျှင် ကြောက်ရွံ့လာပြီး ရေစတင်နှစ်မြုပ်လာလေသည်။ ထို့ကြောင့် ပေတရုသည် “ကိုယ်တော် အကျွန်ုပ်ကို ကယ်တော်မူပါ” ဟုအော်ဟစ်လေ၏။ ထိုအခါ ကိုယ်တော်ယေရှုသည် လက်ကိုဆန့်၍ ပေတရုအား ဆွဲကိုင်ကာ “ယုံကြည်ခြင်းအားနည်းသောသူ၊ အဘယ်ကြောင့် သံသယဖြစ်နေရသနည်း” ဟုမိန့်လေ၏။

သို့သော်သူသည် လေပြင်းများတိုက်ခတ်လာနေသည်ကိုမြင်လျှင် ကြောက်ရွံ့လာပြီး ရေစတင်နှစ်မြုပ်လာလေသည်။ ထို့ကြောင့် ပေတရုသည် “ကိုယ်တော် အကျွန်ုပ်ကို ကယ်တော်မူပါ” ဟုအော်ဟစ်လေ၏။

သို့သော် ကိုယ်တော်ယေရှုက “မစိုးရိမ်ကြနှင့်၊ ငါပင်ဖြစ်၏။ မကြောက်ကြနှင့်” ဟုတပည့်တော်တို့အား ချက်ချင်းပင် မိန့်တော်မူလေ၏။

ထိုအခါ ပေတရုက “ကိုယ်တော်၊ အမှန်တကယ်ကိုယ်တော်ဆိုလျှင် အကျွန်ုပ်အား ကိုယ်တော့်ထံသို့ ရေပေါ်မှာလမ်းလျှောက်လာနိုင်ရန် အမိန့်ပေးတော်မူပါ” ဟုလျှောက်လေ၏။ ကိုယ်တော်ကလည်း “လာခဲ့လော့” ဟုမိန့်တော်မူလိုက်ရာ ပေတရုသည် လှေပေါ်မှဆင်း၍ ရေပေါ်တွင်လမ်းလျှောက်ကာ ကိုယ်တော်ယေရှုထံသို့သွားလေ၏။

လှေပေါ်တွင်ရှိနေသောတပည့်တော်တို့သည် “ကိုယ်တော်သည် အမှန်တကယ်ပင် ဘုရားရှင်၏သားတော်ဖြစ်၏” ဟုဆိုကာ ဒူးထောက်ရှိခိုးကြလေ၏။

သို့သော် ကိုယ်တော်ယေရှုက “သူတို့သွားရန် မလို။ သင်တို့ကိုယ်တိုင် သူတို့အတွက် စားစရာများကိုပေးကြလော့” ဟုတပည့်တော်များအား မိန့်လေ၏။ တပည့်တော်တို့ကလည်း “အကျွန်ုပ်တို့၌ မုန့်ငါးလုံးနှင့် ငါးနှစ်ကောင်သာရှိပါသည်” ဟုကိုယ်တော်အား ပြန်လည်လျှောက်တင်ကြလေ၏။

ထိုအခါ ကိုယ်တော်က “၎င်းတို့ကို ငါ့ထံသို့ ယူလာခဲ့လော့” ဟုမိန့်လေ၏။ ထို့နောက် လူထုပရိတ်သတ်တို့အား မြက်ခင်းပြင်ပေါ်တွင် ထိုင်ကြရန်မိန့်တော်မူကာ မုန့်ငါးလုံးနှင့် ငါးနှစ်ကောင်ကို ယူ၍ ကောင်းကင်သို့မျှော်ကြည့်ကာ ဘုရားရှင်၏ကျေးဇူးတော်အား ချီးမွမ်းဆုတောင်းပြီးလျှင် မုန့်ကိုဖဲ့၍ တပည့်တော်တို့အား ပေးတော်မူလေ၏။ တပည့်တော်တို့ကလည်း လူထုပရိတ်သတ်များအား ပေးဝေကြလေ၏။

လူထုပရိတ်သတ်ကြီးသည်လည်း ဝလင်စွာစားသောက်နိုင်ကြလေ၏။ ထို့နောက် ကြွင်းကျန်သောမုန့်များကို ကောက်ယူသိမ်းဆည်းကြရာ တစ်ဆယ့်နှစ်တောင်းအပြည့်ရလေ၏။