Популярні біблійні вірші з Mateo 5

Поділитись

Nipa biaa nsɔ kanea mmfa nnhyɛ atam ase, na mmom bɛde si kanea dua so, na ahyerɛn ama nnipa a bɛya fie hɔ nyinaa. Ne saa nti homma ho kanea nhyerɛn mma nnipa nyinaa, na bɛahu ho nnwuma pa na bɛahyɛ ho Agya a ɔya soro he animuonyam.

Hoyɛ wiase hann. Kuro a ɔda mmepɔ so ntumi nhinta.

Nhyira ne bɛ a bɛ akoma mu te, efiri sɛ bɛ ne bebehu Nyankopɔn.

Nhyira ne bɛ a tenenee ho kɔm ne sukɔm de bɛ, efiri sɛ bɛ ne bɛbɛma bɛammee.

Na me deɛ meeka akyerɛ ho sɛ, Honnɔ ho atamfoɔ na hommɔ mpaeɛ mma bɛ a bɛtaa ho

“Nhyira ne bɛ a ahia bɛ honhom mu, efiri sɛ bɛ ne soro ahennie he yɛ bɛ dea.

Nhyira ne bɛ a bɛhwehwɛ asomdwie, efiri sɛ bɛ ne bɛbɛfrɛ bɛ Nyankopɔn mma.

Nhyira ne bɛ a bedi awerɛhoɔ, efiri sɛ bɛ ne bebenya awerɛkyekyerɛ.

Nhyira ne bɛ a tenenee nti bɛtaa bɛ, efiri sɛ bɛ ne bebenya soro ahennie he.

Nhyira ne bɛ a behu afoforɔ mmɔbɔ, efiri sɛ bɛ ne bebehu bɛ mmɔbɔ.

Nhyira ne ho sɛ nnipa ka nsɛm gu ho so, na bɛtaa ho na bɛka nsɛmmɔne bebree fa ho ho, na me nti bedi torɔ gu ho so. Homma ho ani nnye, efiri sɛ howɔ akatua kɛseɛ ya soro, na saa ne bɛtane adiyifoɔ a bedii ho anim kane he.

Nhyira ne bɛ a bɛdwo, efiri sɛ bɛ ne bebedi asaase he so.

Hone asaase yi so nkyene; nso sɛ nkyene dɛ yera a, ɔbɛyɛ dɛ na ayɛ nkyene bio? Bɛmmfa nnyɔ hwee bio, gye sɛ bɛto gu ma betiatia so.

Honyɛ pɛ, efiri sɛ, ho Agya ɔya soro he yɛ pɛ.

Na ma nea wobɛka sɛ ɔyɛ ‘ɛɛ, he, nyɛ ɛɛ’, na nea wobɛka sɛ ‘daabi, he nso nyɛ daabi’; yei akyi ade foforɔ biaa firi bɔne mu.

“Hoate sɛ bɛkaa sɛ, ‘ani nsi ani ananem, na sẽ nso nsi sẽ ananem.’ Na me deɛ meeka akyerɛ ho sɛ, Ho ne bɔnefoɔ nni asie. Nso sɛ bi pae w’aso nifa mu a, dane baako he nso ma no

Sɛ w’ani nifa to wo sintidua a, tu firi hɔ na to twene; ɔyɛ ma wo sɛ wobɛhwere akwaa baako kyɛne sɛ wode nipadua he nyinaa bɛto amanehunu gya mu. Na sɛ wo nsa nifa to wo sintidua a, twa firi hɔ na to twene; ɔyɛ ma wo sɛ wobɛhwere akwaa baako kyɛne sɛ bɛde nipadua he nyinaa bɛto amanehunu gya mu.”