Популярні біблійні вірші з Asa 5

Поділитись

Fa novalian’i Petera sy ny apôstôly hoe: –Andriamanitra no tsy maintsy ekena fa tsy ny olombelona.

Ary tsy nitsahatra izy ireo nampianatra isan’andro na teo an-kianjan’ny tempoly na tany an-tranon’olona, ka nitory ny Vaovao Mahafaly momba an’i Jesoa ilay Mesia.

Dia hoy i Petera taminy: –Ry Hananià, nahoana no dia nameno ny fonao i Satàna ka nampandainga anao tamin’ny Fanahy Masina ary nampitazona ampahany ho anao tamin’ny vola vidin’ny tany? Anao ange ny tany fony mbola tsy namidy, sady rehefa namidy dia eo am-pelatananao ny vola vidiny! Ka ahoana no dia nampisy tao am-ponao izao zavatra vitanao izao? Tsy olombelona no nandainganao, fa Andriamanitra. Nony nandre izany teny izany i Hananià, dia nidaboka ho azy ka niala aina. Ary raiki-tahotra mafy izay rehetra nandre izany.

Koa izao no teniko aminareo ankehitriny: aza raharahaina ireo olona ireo, fa avelao izy handeha, satria handamoka io fikasana io na io asa io raha avy amin’olombelona fotsiny. Fa raha avy amin’Andriamanitra kosa, dia tsy ho azonareo foanana, sao dia ianareo indray no tonga mpiady amin’Andriamanitra. Dia nanaiky an’i Gamaliela ny Fitsarana ambony.