Популярні біблійні вірші з Taetasi 2

Поділитись

Ɂo ko haɂananaua taɂaa hana kira ka ɂoni otooto ɂuna, tamana Waratoɂo ɂe haataɂania raesenaha naia hana koru noɂo. Ɂe ɂeroa Tisasi mai hana haɂamauri ana rikimana noni. Raesenaha Waratoɂo nena, ɂe haɂausuri koru hana koru si hehenoroɂa ana Waratoɂo, ma hana koru si niɂirae hana rikimana ɂare kosuna mako ɂaiɂe ne ɂe mae rete ana maana Waratoɂo. Ma ɂe haɂausuria ɂi koru, hakae tarena Waratoɂo, hana koru ka niɂirae manamanata ma hana ɂoniɂoniha otooto koru ɂe ka rete ana Waratoɂo ana matora ni horoɂa ɂaiɂe. Ma ana horoɂa ɂaiɂe, koru ka ririo maasia ɂare rete koru maahaneɂia. Ɂi koru ka ririo maasia hanetahaha Waratoɂo koru, Tisasi Karaesi, ne ɂe paina taroriu ma ɂe haɂamauri koru maania mae senaha. Ɂe ka rao hane taha haɂania seanaha naia.

Raesenaha Waratoɂo nena, ɂe haɂausuri koru hana koru si hehenoroɂa ana Waratoɂo, ma hana koru si niɂirae hana rikimana ɂare kosuna mako ɂaiɂe ne ɂe mae rete ana maana Waratoɂo. Ma ɂe haɂausuria ɂi koru, hakae tarena Waratoɂo, hana koru ka niɂirae manamanata ma hana ɂoniɂoniha otooto koru ɂe ka rete ana Waratoɂo ana matora ni horoɂa ɂaiɂe. Ma ana horoɂa ɂaiɂe, koru ka ririo maasia ɂare rete koru maahaneɂia. Ɂi koru ka ririo maasia hanetahaha Waratoɂo koru, Tisasi Karaesi, ne ɂe paina taroriu ma ɂe haɂamauri koru maania mae senaha. Ɂe ka rao hane taha haɂania seanaha naia. Tisasi ɂe ɂinaɂania ɂi naia maraana hana maeha honosi koru, hana suruha tarana koru maania rikimana tautaura ni ɂare mae sena koru rae tau aɂi. Ɂe suru tarana koru hana apuni ana koru maania mae senaha, hana koru ka rau hana taɂaa mouta naia. Tona ɂai, koru ka niɂirae rikaɂa hana tau ana ɂare ɂe rete ana maana Waratoɂo.

Ma ɂi ɂo, Taetasi, ana ɂoniɂoniha ɂo, ɂo ko haataɂania ana taɂaa rikimana totoraha ni ɂare ma tautaura ni ɂare ɂe rete hana isu aɂi ma hana haimaani aɂi. Ma ɂo ko haɂausuria taɂaa ana haɂausuriha ɂe waraɂimori ma ɂe otooto hautaɂai, haɂi niɂiraeha ɂe sena, Ɂaremara ɂo ko tau ɂuna taɂena noni ɂe si naɂa waeria haɂausuriha ɂo ko tau tauɂi na. Ma ɂaremara ɂe ka ura honosia toɂiha koru hana Karaesi, ɂe ka rao mara, tamana te ɂare mae sena ɂe mao hana naɂaha suara ana koru aɂi.