Популярні біблійні вірші з Maheveru 11

Поділитись

Thsitawo po ku tawa shemwa eyi i na kuruperiwa, no ku rakwa enu eyi tu kana ku mona. Thsitawo thsodiyo thsa retithsire ci anu o ku kare a twethse ku shangariwa kwa Nyambi.

Tumba i tawa ku roerithsa Nyambi ko kupira thsitawo. Inene o ku keya kwa Nyambi aa roera ku tawa ci Nyambi kwaa di, no ku tawa ci aa pa muyambo awa a na mu fotafota nene.

Ko thsitawo twaa yuvithsithsa ci kaye kombiwire ko diywi dya Nyambi, ci eyi i moniwa ka ya tendiwire penu yo ku twethsa ku moniwa.

Nedi ko thsitawo Aburahama ou a yuverire Nyambi ou a mwithsire ci a thze ku ditunga edi a mu kumbwethzire Nyambi ci kenge mba a di mu pa. Wa katukire no ku thza, shaanga ci ka a dimukire oku a thzire. Ko thsitawo Aburahama wa thzire no ku ka tunga eci mutundakure muya mu ditunga a mu kumbwethzire Nyambi. Wa ka yoyire mu matende, karo a Isaka na Jakovo nawo a yoyiremo mu matende, awa tamburire ethso thsikumbwethzo eci Aburahama.

Nedi ko thsitawo Nuwe ou a yuverire Nyambi ou a mu nomenithsire yenu o ku i shime ku monahara. Wa umbire areka ku yoyithsa rupathsi rwenthzi ku dimina dyodikuru. Ko thsitawo thsenthzi wa raturire kaye, karo wa tamburire owawa ou u na waniwa ko thsitawo.

Ko thsitawo Enoke ka a fire, unone shime a twariwire ku wiru o ku di oyumi. Ka a waniwire karo, inene Nyambi wa mu shimbire. O ku shime ku twariwa ku wiru, Mañoro aa monithsa ci oyu munu wa shangariwire kwa Nyambi.

Ko thsitawo Abele wa tupwerire Nyambi thsiyambero thsothsiwa kupita thsa Kaine. Karo ko thsitawo Abele wa shangariwire ci munu o muwawa, inene Nyambi wa tamburire ekunda yenthzi. Ko thsitawo, Abele ko ku amba a amba no pano tu di, shaanga ikare ci wa fa kare.

Ko thsitawo Aburahama wa twethsire kwereka mwana shaanga ci wa kuruparire nene, karo munuwenthzi Sara wekarire mvumi. Eyi ya dikarire pakuninga ci wa kuruperire Nyambi ci kenge a ku mu pa eyi a mu kumbwethzire.

Shime a tatererire thsikuña thso mishisho, ethsi thsa funderiwire no ku umbiwa kwa Nyambi.

Ko thsitawo Mushe ou a kurire, wa kanine kwithsiwa ci mwana mwana Faro o mbuyama. Wa cihangwerire ku nyandera pofoci no mbunga thza Nyambi, kupita ecikora yo thsivi yo mu thsikati thsothsipu. Wa anekerire ci ku di nawa ku tukathzaniwera Krisitu kupita rufumo ro mu Egepita, inene shime a tatererire muyambo ou mba a tambura ku rupara. Ko thsitawo Mushe wa tundire mu Egepita ko kukana ku yapa oanthzi wa fumu. Uno honi wekarire no muooto pakuninga ci shime a monine Nyambi shimoniwa.

Ko thsitawo Aburahama wa tupurire mwanenthzi Isaka kwikara thsiyambero ou a mu erekire Nyambi. Aburahama oyu wa tamburire ekumbwethzo ya Nyambi wa ciroithserire ku tenda thsiyambero mwanenthzi pakamutwa Isaka

Ko thsitawo Rahaba o diherehere ka a fire no waya a kanine ku yuvera Nyambi, inene shime a tamburire nawa tuya tunenga.

Ko thsitawo Maisiraele a cinakanine Diwate Dyodikihu ko ku enda pa mburundumburundu, unone Maegepita ou a erekire ku wa shupwera, wahe a fire ku meyu.

Ko thsitawo mamota a Jeriko a wire, munyima thzo ku a thzinguruka Maisiraele mayuwa o mutanu na edi.

Karo ko thsitawo Mushe wa tendire Paseka no ku raerera Maisiraele ci a wethse onyinga pa mathsero o manthzio o, ci kangeru ko difu katere kepae edi wo wakwerume.

Ko thsitawo Josefa o ku di po pepi no ku fa wa ambire keyi yo diyaru dyo Maisiraele mu Egepita, wa wa pire thsiraerera ci a ku shimbe eshoko yenthzi ou mba yaruka mu Egepita.

Ko thsitawo Jakovo o ku kokangera, wa fiyawerire ana Josefa aidi, wa thsakaterire pa mutaa wenthzi o ku rombera Nyambi.

Ko thsitawo Isaka wa fiyawerire Jakovo na Isau keyi yo mwoyo wo o ku rupara.