Популярні біблійні вірші з Svun Juan 19

Поділитись

Ti c'alal ists'uts' binagre ti Jesuse ja' o yech iyal chac li'i: —Ic'ot xa ta pasel scotol. ―Xi. Ja' o isnijan sba, iloc' xch'ulel.

Ti c'alal ilaj chac taje, ti Jesuse sna'oj ti ic'ot xa ta pasel scotole, yo' ti xc'ot o ta pasel ti c'u x'elan ts'ibabil sc'oplal ta sc'op Rioxe, ja' yech iyal chac li'i: ―Chtaquij xa jti' ―xi.

Ti c'alal iyil sme' ti Jesuse, ti ja' tey xchi'uc li yaj chanc'op ti mas sc'anoj ta jmeque, xi iyalbe li sme'e: Ants, ja' xa avol le'e ―xut. Ja' o xi iyalbe li yajchanc'ope: Le'e ja' xa ame' ―xut. Ti c'alal yech i'albate, iyic' ech'el ta jna ti sme' Jesuse.

Ti c'alal inopojic ech'el yo' bu ti Jesuse, iyilic ti chamem xae. Yech'o ti mu xa bu isc'asbeic ti yoque. Ac'u mi chamem xa iyilic ti Jesuse, ti jun soltaroe ixenbe to lanza ta xocon, ora iloc' xch'ich'el xchi'uc vo'.

Scotol ti c'usitic ic'ot ta pasele, ja' ic'ot ti c'usitic ts'ibabil ta sc'op Rioxe: «Mi jun sbaquel mu sc'asbat.» —Xi onox. Ts'ibabil noxtoc ta sc'op Riox: «Chavilic ti much'u xenbil ta lanza xocon avu'unique.» —Xi onox.

Ti Jesuse scuchoj loq'uel scruzal tey ibat yo' bu «Baquel Jol Anima» sbi li balamile, (Gólgota sbi ta ebreo c'ope).

Ti soltaroetique ixotic ch'ix, ixojbeic ta sjol ti Jesuse, ja' scorona ti ta alele, iyac'beic slap jlic ic'lo'an tsajal c'u'ul