Популярні біблійні вірші з Romo 1

Поділитись

Monde Epe Angelena neme yalame na-kome. Akepeare golere kone rulaeme wenaali rambamula pea Godena puri. Ririnare Isaraelimi mandu rangala pae wenaali ambala. Gupuma werepere Isaraelimi na-mandu rangala pae wenaali rambamula pea puri.

Monde Epe Angeleme go ei wadanda lawae. Gode nipumi wenaali nipu rapu rendepoyao ma-ao-aya ei wadae. Go eiri kone rulada ei rupara kini pulu ara pange pereyado pange. Ande Godena angele wia bukamere gupi lea. Ali menda nipuna kone rulada eimi Gode rapu rendepona ao-aliandare nipu pa-ao-alia.

Ambalande su yaa kini pao ipuma ambia go pange wenaalimi Gode nipuna puriri na-peredea pange nipuri ora Gode pename andeleme. Gode nipuna wari alenu andoma go ei ora deme. Go einare mendame naa na-ande ara pama angele dapeme pora menda na-wia.

Wenaali raayomere Gode aya ei kone sialemepare nipu para neere ora Gode ale piri na-lere nipuna angele laluame pange giao-aeme. Gupuma nipu para ranae angele pange na-loaeme. Go au na-piri nimuna konenumiri ale menda kone na-wimi. Gupuma nimuna kalu ruparare rimbale eimi rumbilia.

Gupi alinumiri Gode nipuna ora ree angelere minyapalaoma yayapi ei meme. Godeme wapuma wina lea alenu para panda punyao yainya pu ara nimuna au pao-aemepare ande alenda alenda raayo wapuma wina lea Gode para yainya na-puaeme. Go Godere naame naare raayosi nipuna bi minyasiaminya. Ora laloe.

Godeme rono pangala ara wenaali nimuna pu para wia koae einuna pange nimuna peme rana na-pi einuna wenaali rali pula pea ei yaa nane ara penameyao walea. Gupi wenaalimi nimuna koae au peme eina mendane wenaalimi Godena ora aya ei andapanaya pora rungulu-aeme.

Gupuaeme eina Godemere nimuna yala pi konenu pa pu eiri pena lea. Wenanumi gole ali para kone na-wi nipuna wena yango para ri na-pi aunu puaeme. Gurupa alinumi pange wena para kone na-wi nipuna ali yango para ri na-pi aunu pulame pu para repana mandana rea. Go einare nimumi nimuna koae aunu pimi einu mandare rendaa muaeme. Go alinumiri Godena aunu nimuna kone ririna na-ma-wiri nimuna kandi na-pi aunu pulame pange alinumi na-pape aunu puaemendare Godeme nimuna pinya giaya.

Nimumi lalore Naare kone waru wi alinu aemae loaemepare nimuri kone na-wi alinu arare ande na-kome pa ao-aya Gode para panda punyaoma yainya na-piri alinumi warualeme alenu para gole panda punyao yainya puaeme. Nimuna yainya puaeme alenuri go alenu manda kimi waruma yainya puaeme. Go alenuri alinu pange yaanu pange pa piri alenu mandana wapuma yainya puaeme.