Популярні біблійні вірші з Taitusi 2

Поділитись

Xo aloxo 'o. Iaiama noxou Mosinge mupala'a mukalu mo anu vote'isou pamauli noxi'a tamitema mukalusi. Xe iaiama noxou Mosinge ne ulosoiengixu vote'i so tapilixinu ili'ilixo ane uxilililiou Mosinge oponu. Mo so masama­saxa so mimi so lialia xe no anu vasimenge upamuxanenge uasi. Nenge taxolu no taitaine'i tamitema so lialia 'o ia iaiama noxou ne mulosoiengixu xoluxolu ane mula­pusi mo u'isalili no anu masaxa noxou.

La taxolu tautitiou mi lailaixe e talopalanu taxomaiou. Mi e taxomaiou ne, voxosou Mosinge U'uli'uli anu Itema so Pamauli e Iesua Kalaisiti so upala'a no anu iaxu. Anu mu'italonu maulixu so mulotonu lakolisou ili'ilixo noxinge mukalusi ane muxolaxola'u lo noxou Mosinge. Xe mu'ulosinge so texali tamitemaou malemalenga mu'isa­lili. Laso maixene oponenge utata­ma so ta'oxonu ili'ilixo ane laixesi.

No anu xoluxolu noxine la mi ma'ia na'oxonu ne u'isalili mo so loxo ane'i imaisou la imulinusi. Xe loxo nalulusou Mosinge vaikalaou la napolo va'axu sevile uasi. Mo no anu ilixo noxine la naxolaxola uasi mo so ane'i itaxaneni. Xe vaikalameni ulapusi mo so mi vile so tamitema ito'omenexu uasi. Laso axone la tamitema so xilili ne ixalisou maila xo ivikalasinge masua axova.