Популярні біблійні вірші з Lomu 8

Поділитись

Ioxe, Mosinge molu mu'ava­linge so taxali ta'olu no anu masaxa noxousi laso nenge tase­xelaxu. La talavu aloxo 'o. Mi ma'ia uxalisinge la Mosinge uxa­lixu nene'axu laixe no anu xoluxolu noxinge.

Xo eni emaisou mo alavu manina lexe Mosinge usexelanenge misevile. Laso mi vile umomomo so utanuxu mi ne uasisi manina. Mi loxo soli o mauli o ta'angelo talaixe o tamasua o mi ane uxolu vaimomo 'o o mi so uxali ili'i o tami se'i loxo xavine'i o mi ane teitexi o mi ane no lia o mi ane no pa'upa'umenge 'o, mimi anene umomomo so ukalipalanenge no anu sexela noxou Mosinge uasi. Sexela noxou ne, tava'u ane Kalaisiti Iesua anu Tatananenge.

Mo aloxo 'o. Nenge taxolu taxomaiou la nenge xavinenge uasi. Mo nenge talavu lexe tavikala noxou Mosinge axova uasi. Ia Ulenu molu usu'ulinenge xo mi ma'ia nenge tamomomo so talemolu laixe uasi, la anu molu ulemolu noxou Mosinge. Xo vaikala ulemolu ne, nenge tamitema talavusou uasi.

Laso nenge tavikalasou iaiama noxou Mosinge axova? Loxo anu uiaiamanenge mo uutulunenge a loxo telemolu ne, la ei uua'uli­nenge?

Ioxe, laso tamitema ta'ei ixolu noxou Kalaisiti Iesua la ixolu no laxu la'ia noxou Mosinge uasi.

Xo aloxo 'o. Ane'i ane Ulenu Laixe upamuxane'i la opone'i utulu no anu masaxa noxou Ulenu Laixe. Mo loxo axone la telexu no anu mauli lalavulusi. Ia ane'i ane susu tava'u upamuxane'i la opone'i ututulu no anu masaxa so sususi. Mo loxo axone la telexu no anu solisi.

Ia mi vile uasi. Xo Kalaisiti ne anu tanunenge laso mi ma'ia uxali noxinge ne anu usu'ulinenge so taua'ulixusi.

Ioxe, eni avikala lamana aloxo 'o. Tu'umaxu ane tatavulenu vai­momo 'o, taxavutalanu uasi. Xo xoluxolu iaxu ane taxalisou ili'i ne uua'ulixu ane so vaimomo 'o avile.

Ai manina misevile, ena'ei umomomo so ukalipalanenge no anu sexela noxou Kalaisiti? Loxo tu'umaxu uxali noxinge o tatavu­lenu navunavu o tamitema ixili­liienge o tasolinenge o lavuluti uasi o mi vile so uvila'isinge o oto uxali noxinge. Mimi anene umomomo so u'apixu sexela noxou Kalaisiti noxinge uasi.

Loxo Ulenu usu'ulinenge so ulemolu oponenge noxou Mosinge la anu upalasi noxousi. Xo anu ulavusou oponenge mo anu uvikala avile noxou Ulenu. Anu Ulenu ne umulinu masaxa noxou Mosinge so uvulanu vaikalamenge tamitemaou Mosinge u'isalili axone.

Xo tamitema ta'ei ane Ulenu Mosinge upamuxane'i la ane'i Mosinge ta'olu ane.

Xo aloxo 'o. Ane'i ane Ulenu Laixe upamuxane'i la opone'i utulu no anu masaxa noxou Ulenu Laixe. Mo loxo axone la telexu no anu mauli lalavulusi. Ia ane'i ane susu tava'u upamuxane'i la opone'i ututulu no anu masaxa so sususi. Mo loxo axone la telexu no anu solisi.

Xo Mosinge u'apisou Olu soxu vilesisi ne uasi, anu mupilixinu so usolisinge nenge mukalusi. Loxo u'apisou Olu axone uasi, la ngaxavutala axova? Umomomo so u'apisou mi se'i lailaixe so xoluxolu noxinge? E uasi manina, anu ulosingesi ane.

Anu Ulenu Laixe molu upala'anixu no anu ulenenge lexe nenge Mosinge ta'olu. Ioxe vaimomo 'o nenge taxolu Mosinge ta'olu. Laso ili'i la nenge taxalisou mimi lailaixe. Xo mi ma'ia so anu ulosou Kalaisiti la anu ulosinge kalumo. Vaimomo 'o nenge tatavulenu tu'umaxu a loxo anu a utavulenu. Ia ili'i la nenge noxou taxolu no anu xoluxolu iaxusi.

Tamitema ane opone'i utulu no anu sususi, la ixililiou Mosinge. Xo ane'i vote'i so imulinu lo noxou uasi manina.

Mo aloxo 'o. Mimi ane Mosinge mukokoinu ne loxo uxoxomaiou mo utatamasou voxo anene kalumo. Uxoxomaiou voxo ane Mosinge musosovosou so xoluxolu laixe noxi'a ta'olu upala'a.

Xo manina, mimi ne loxo uxamulinu navunavu mo uiele. Uiele loxo sema iiele no voxo so ivo'onu ili'e. Mi ne musoko'u tei manina mo muxali avile vaimomo 'o.