Популярні біблійні вірші з Lomu 4

Поділитись

Oponu uxiuxiu so vavalima noxou Mosinge uasi. Anu lopala noxou ne muxoxolu axonesi mo mu'itinu Mosinge ualasousi. Xo anu oponu mutulu lexe Mosinge xavinu so u'oxonu mi ane muvavalimasou ne.

Xo loxo Mosinge vaikalaou mulemolu lexe, “Eni exalixene mami'a laili tavu'alo.” Laso maixene no anu iou Mosinge la anu maminge ane. Anu Apala'amu ne anu oponu mututu­luou vavalima noxou Mosinge. Xo mulavu lexe Mosingesi anu umomomo so uxalixu mauli no anu soli. Mo nenge loxo ta'oxo lexe mi vile uxolu uasi, la anu umomomo so ukoi ane.

Xo mi anenesi, laso Mosinge mupilixinu Iesua no anu soli, so ulotonu susu noxinge. Xe mutu­lusou no anu soli so umoxo'inge tamalemalenga no iou.

Xo anu Apala'amu ne anu usaxisou mi vile no iou so uvalaxu lopala noxou uasi, ia mulopala mu'italonusi. Mulopala mu'italonu laso anu muxali mami'a laili tavu'alo. Muxali loxo Mosinge mulemolu lexe, “Nini ta'ilusuneni ixali tavu'alo.”

Laso aloxo 'o. Tava'u vavalima e Mosinge mu'oxonu noxou Apa­la'amu ne anu lopalasi. Laso noxinge nenge ta'ilusunu Apa­la'amu loxo talopala, la iaiama anenesi une'e uxali noxinge kalumo. Iaiama ne noxi'a tamitema ane Mosinge mulosi'a losi uasi. Anene noxi'a tamitema ta'ei imu­linu lopala noxou Apala'amu. Laso maixene anu maminge nenge talopala mukalusi.

Muvikala aloxo 'o, “Loxo Mosinge usu'asou susu noxou itema vile so ukolinu uasi uiasousi, la itema anene u'osa manina. Mo loxo tina'u so susu noxou itema ne mukalu la itema ne uxolu lalavulusi.”

Xo vaikala vile no anu lavukuou Mosinge uvikala aloxo 'o, “Apala'amu mulopalanu Mosingesi laso maixene Mosinge mukalusou tina'uxu so susu so muxali malemalenga no iou.”