Популярні біблійні вірші з Luku 3

Поділитись

La no voxo loxo tamitema latala a mi'oxonu ilixo so kelele la Iesua mune'e so Tioni u'oxonu noxou kalumo. Tioni mukelenixu mukalu xe Iesua muxolu muvikala noxou Mosingesio sila loxotolo mua'a. Xe Ulenu Laixe mulu'e noxou la loxo ngiala e utu. Mulu'e la muai noxou. Mukalu la xoli vile molu no loxotolo mo muvikala aloxo 'o, “Nini alixeli asexelaxene ane. Eni a'osasine misevile.”

Laso Tioni mukolinu tali'i noxi'a ne aloxo 'o, “Loxo eni la akeleningenge no anu lexasi. Ia Itema ane une'e ili'i noxilo ne anu xavinu mutiatila noxilo. Anu itema tila ia eni amitema vitanisi. Xaixai vile so loxo alulusou lamotasou lasuou ne eni alaixe umomomo so a'oxonu to uasi. Laso noxou la ukeleningenge noxou Ulenu Laixe xe no anu navu.

Loxo ngexiunu mo nge'isa­lalinoxu opongengi maninasou la nexi masi tamaisou nene'axu uxali no anu xoluxolu noxinge ane. Mamu so nga'itingengi xo ngingi Apala'amu ta'ilusunu. Anene mi vitanisi ane. Eni avikala lexe Mosinge umomomo so uxiunu lavolavo'o uta'olu 'o so ixali ta'ilusunu Apala'amu.

Mo anu laixe kalumo so ngingi ngamama'u xo Tatananenge anu loxo itema a utatavulenu lapemu. Anu a mulalaxi so uxetasou ovuovu aneva ulavusou uxalixu temanu laixe uasi. Uxetasou ukalu laso upeinu no navu.”

Anu muxali loxo polopeti Aisaia mukaukavunu mo uxolu no lavukuou aloxo 'o, “Anu uxixaou no xale lia esi'esi mo xolinu ula aloxo 'o, 'Ngalalaxinu mo nga'isalilinoxu vote'isou Tatananenge. Loxo vanuvanunu la usovo xe laxalaxa'ilu la umamulo so latiasi. Xe loxo vote'i ukilikalu la uxali ulovosi xe vote'i ane kongekongexu la uvilimisi. Mo tatemanu lialia mukalusi isaxisou pamauli noxou Mosinge.'”