Популярні біблійні вірші з Ipilu 12

Поділитись

Ioxe, laso ane'i tavu'alo musuku ane mi'uli noxinge ne ixolu la ixixaosinge aloxo sauma utaluta­lupexa no laxalaxa'ilu. Anu loxo nenge talesisi mo ane'i a isu'anu ie'iinge lexe taiave axova. Laso mimi ane u'au'ausinge la tapili­xinusi xe susu ane utotomu uuauoinenge la tamaxalexu. Tata­tosa uasi, taiave xavinu no anu lesisi ane uxolu no talanenge 'o. Tasaxi noxou Iesuasi xo anusi tava'u lopala na'a nenge mo anusi uxalixu nene'axu mi e talopalanu taxomaiou. Anu ne mutavulenu maila ia uxavutalanu uasi xe no ovu valautu la mu'italonu so musoli no anu xo oponu mu'oxoxu osa ane uxalisou ili'i 'o. Laso maixene anu a utalupexa no anu sia kingi noxou Mosinge no avolu tema.

Xe loxo no voxovoxo u'isalili so Mosinge upilixinu tu'umaxu so uxalisinge la nenge masi ta'osasou malaxo uasi, oponenge tu'umaxuousi. Ia loxo ilixo noxinge ulovoe laso ane, uxalixu nene'axu e xoluxolu lalavulusi mo ulapusi.

Xavingengi so opongengi vile­sisi noxi'a tamitema mukalusi. Mo xavingengi so xoluxolu noxinge u'isalili no anu masaxa noxou Tatananenge xo tamitema ane mukalipalane'i lexe tanoxousi la isaxisou.

Ioxe, ngaxavutala laixe noxou Iesua. Xo tamitema so susu mixililiou mu'oki ia anu mutulu pumuxusi. Laso ngingi kalumo ngatulu axone, ngatatosa uasi mo opongengi u'olo'olo uasi.

Xe nenge talavu lexe taxolu no anu voxo so Mosinge molu u'uli laxunenge tamitemaou la mi ne pumuxu so ukunikuni uasisi. Laso nenge tavikala laixesou mo talu'enenge xe tataxanu so ta'itinu ualasou xo mi ne u'osasou.

Ioxe, laso ngatulu pumungenge mo nga'osa so Mosinge ulovo­nixinge. Nga'osasou xo anu u'oxongengi axone xo ngingi ta'olu ane. Xo loxo itema u'oxo laixe la anu ulovonixi'a ta'olu uasi? Anu ulovonixi'a ane.

Xo Mosinge anu loxo navu so usexeteluxu mi ma'ia uxililiou masaxa noxousi.

Xo ane'i tamaminge ne milovonixinge voxo ataxu sesi mo mimulinu xavutala na'asi. Ia noxou Mosinge loxo ulovonixinge, la anu so u'oxonenge laixesi xo umasaxa lexe ta'una no anu ilixo malemalenga noxou.

Xo ngingi nga'otoxu susu ia no anu oto anene la vile noxinge sialuxu unixisou uasi.