Популярні біблійні вірші з Ta'aposeli 11

Поділитись

Mulai mukamulinu Sauli xo xe muxalisoui laso ilou milivu ne Anitioki. La ilou mixolu tau ie vile loloni. Ilou mixolu la utotomu mipita no anu pita noxou Tatana­nenge ne Anitioki mo mivotone'i tamitema tavu'alo e tavu'alo. La no tuala anene anu tei manina noxi'a so tamitema mimo­xo'a talopala lexe “tamitemaou Kalaisiti”.

Vanavasi mulutu xo xe muxali la mumalei lexe nene'axu iaiama noxou Mosinge muxali noxi'a Ta'anitioki. Mumalei axone la anu mu'osa misevile mo mupelototosi'a talopala ne lexe ane'i masi opone'i ututulu noxou Tatananengesi. Anu Vanavasi ne anu itema laixe mo Ulenu Laixe mupamuxanusi mo loxo mi ma'ia uxali la mulopalasi. Anu itema axone laso loxo muvotovoto la tamitema milomuxu mo milopala noxou Tatananenge.

Laso emaisou lexe Mosinge muiti'a mi laixe iou vilesisi loxo muitimenge Taiuta no voxo loxo telopala noxou Tatana­nenge Iesua Kalaisiti. Laso eni a'apixu mi ane Mosinge mu'oxonu noxi'a axova? Eni amitema tosi.” Taiuta talopala ne milomusou vaikalaou Pita laso ane'i opone'i lelemesou mo ivikala mi vilela uasi. Ane'i mi'itinu Mosinge ualasou mo mivikala lexe, “Ai vaimomo 'o nenge talamana. Mosinge mu'oxonu vote'i so tamitema noale'ale kalumo loxo ixali lamana no anu susu noxi'a la ixalisou pamauli.”