Популярні біблійні вірші з MAHTE 22

Поділитись

Yesu gaw, “ ‘Dai Madu na a Karai Kasang hpe na a myit kraw lawang mahkra hte, na a myit masin mahkra hte, na a myit mang mahkra hte nang tsaw ra lu na rai ndai.” Ndai gaw kaba dik ai hte ahkyak dik ai shawng na hkang da ai ga rai nga ai. Hpang na ahkyak dik ai hkang da ai ga mung dai hte bung nna, ‘Na a htingbu wa hpe, na a hkum hte maren nang tsaw ra lu na rai ndai,’ nga nna rawng nga ai.

Ndai hkang da ai ga lahkawng yan gaw, Mawshe a jep ai Tara mahkra hta, myihtoi ni a sharin shaga ai lam ni a npawt madung rai nga ai,” ngu wu ai.

Dai hpang Yesu gaw, “Shaga la hkrum ai ni law ma ti mung, lata la hkrum ai ni mahtang n law ma ai,” ngu mu ai.

Hpa majaw nga yang, si mat ai ni bai hkrung rawt ai shaloi, shanhte gaw lamu kasa ni zawn rai nna, num la num ya ai lam n galaw na ma ai.

Dai hkanse bang na gumhpraw dengga lap mi ngai hpe madun yu marit!,” ngu mu ai. Shaloi shanhte gumhpraw lap mi, shi kaw la pru wa ma ai. Dai rai nna shi gaw, “Gade a sumla hte mying masat laika kap nga a ta?,” ngu nna san mu ai. Shanhte gaw, “Kehta a sumla hte masat laika kap nga ai,” ngu nna htan mu ai. Shaloi shi gaw, “Dai rai yang gaw, Kehta hte seng ai hpe gaw Kehta hpe ya mu; Karai Kasang hte seng ai hpe gaw, Karai Kasang hpe ya mu,” ngu nna shanhte hpe tsun mu ai.