Популярні біблійні вірші з NINGPAWT NINGHPANG 25

Поділитись

Dai MADU gaw shi hpe, “Na a hkum hta amyu lahkawng nga lit dai; Shada da htinghtawng shingjawng hkat ai amyu lahkawng hpe nang shangai dat na rin dai. Langai wa mi gaw kaga wa hta grau n-gun ja na ra ai; Kaba ai wa mahtang kaji ai wa hpe daw jau na ra ai,” ngu nna tsun wu ai.

Shi kawsi nga wu ai majaw Yaku hpe, “Ngai hpe dai hkyeng ai si mai loi mi jaw e, ngai kawsi kyet nga nngai,” ngu nna tsun wu ai. (Dai rai nna shi hpe Edom ngu nna shamying mu ai.)

Rebeka maudung dung ai a majaw Isak gaw shi a matu dai MADU kaw akyu hpyi ya wu ai. Dai MADU mung shi a akyu hpyi ga hpe htan ya wu ai rai nna Rebeka hta na-um nasin rai wa lu ai.

Esaw mung, “Ara rai sa, ya ngai si wa magang rai nga sayang, me, nye a hpu lat aya ngai hpe hpa baw mai kaja lam shabyin ya lu na rai nga a ni?,” ngu nna tsun wu ai. Yaku gaw, “Dai rai yang, na a hpu lat aya ngai hpe jaw na matu shawng dagam u,” ngu nna htan wu ai. Esaw mung dagam nhtawm shi a hpu lat aya Yaku hpe jaw wu ai.

Hpang na wa gaw Esaw a lahtin manat let shangai wa ai; dai rai nna shi hpe Yaku ngu nna shamying mu ai. Dai kasha yan hpe shaprat ai shaloi, Isak a asak kru shi ning du salu ai.

Isak gaw Esaw gyam jaw ai shan lusha sha ai hpe myit pyaw dum wu ai majaw Esaw hpe ra sharawng nga wu ai; rai ti mung Rebeka chyawm gaw Yaku hpe mahtang tsaw ra wu ai.