Популярні біблійні вірші з Daniela 6

Поділитись

Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

Karai Kasang gaw hkanghkyi ni a n-gup ni hpe pat kau ya na matu shi a lamu kasa hpe shangun dat wu ai rai nna, ngai hpe machyi shangun lu ai n rai. Madu hkawhkam wa e, ngai gaw hpa mara n kap nga ai hte nang hpe mung n shut kau nngai gaw shi chye nga ai majaw ndai amu hpe shi galaw wu ai,” ngu nna htan wu ai.

Nye a mungdan ting hta nga nga ai masha shagu hte gaw Daniela a Karai Kasang hpe hkrit kamyin ai hte hkungga lara ang nga ai ngu, ngai hkang da nngai. “Shi gaw ahkrung nga ai Karai Kasang rai nga ai, shi gaw htani htana up hkang na ra ai. Shi a mungdan galoi mung hten run mat na ra ai n rai, shi a daru magam n-gun galoi mung htum mat na ra ai n rai. Shi gaw hkye hkrang la ai hte hkye mawai la nga ai; shi gaw sumsing lamu hte ginding aga ntsa e mauhpa amu hte lamik kumla ni hpe galaw nga ai. Shi gaw Daniela hpe hkanghkyi ni e kawa sat kau hkrum na kaw na hkye mawai la nga ai.”

Dai re ai majaw hkawhkam wa mung Daniela hpe rim la na matu ahkang jaw dat wu ai; shi gaw hkanghkyi ni hte hpring nga ai nhkun de kabai bang ai hkrum nga nu ai. Shi gaw Daniela hpe, “Nang grai sadi dung let daw jau nga ai na a Karai Kasang gaw nang hpe hkye mawai la u ga law,” ngu nna tsun wu ai.