Популярні біблійні вірші з Daniela 12

Поділитись

dai hpaji rawng ai ningbaw ni gaw lamu na htoi tu ai arai ni zawn mung, amyu masha law law hpe jaw ai hku amu galaw na lam sharin ya ai ni gaw shagan ni zawn htani htana htoi tu nga na mara ai.

Dai si mat masai masha law law mung bai hkrung wa na mara ai; nkau mi gaw htani htana asak a majaw kabu gara na mara ai; nkau mi gaw htani htana arawng hpoi myi man sum ai nni nkri hpe hkam sha na mara ai.

Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

Masha law law mung san seng wa na mara ai. N hkru ai ni chye na hkawn hkrang na ma ai n rai, rai ti mung n hkru ai hku sha hkan na mara ai; hpaji rawng ai ni chyu sha chye na hkawn hkrang wa na mara ai.