Популярні біблійні вірші з KASA 2

Поділитись

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

Shanhte gaw Kasa ni a sharin shaga ai lam, rau kanawn mazum hpawng de ai lam, Madu a Shana Shat sha ai lam hte akyu hpyi ai lam hta htep lahti hkan nga ma ai.

Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

Shaloi lamu de na nbung laru kaba wa ai zawn, akajawng sha ngoi kadu pru nna shanhte rawng nga ai nta ting hpring chyat rai wa ai. Shaloi bra garan ai wan shinglet zawn re ai mung, shanhte kaw dan pru nna langai hte langai a ntsa e jung nga ai. Shanhte nlang hte mung, Chyoi Pra ai Wenyi hpring shajang nna, Wenyi e shadut mu ai hte maren ga amyu kaga ga hku shaga wa ma ai.

Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai. Shanhte gaw Karai Kasang hpe shakawn kungdawn let kabu gara ai hte masha yawng a man e myi man pa nna sharawng awng ai lam hkam la nga ma ai. Karai Kasang mung shani shagu hkye hkrang la hkrum ai ni hpe jat wa shangun ya mu ai.

‘Karai Kasang ning nga ai, hpang jahtum na nhtoi ni hta masha amyu baw yawng a ntsa hta, nye a Wenyi ngai ru jaw na nngai. Nanhte a shayi shadang sha ni, myihtoi htoi na mara ai. Nanhte a brang ram ni shingran mu nna nanhte a ding la ni yup mang mu na mara ai.

Kam sham ai ni nlang hte gaw shara mi hta sha rau hpawng nga nna, arai yawng mayawng hpe jawm lang ma ai. Shanhte gaw tinang a sut rai ni hpe dut kau nna kadai wa hpe mung n ginhka ai, ra kadawn ai hte maren karan jaw mu ai.

Dai shaloi e dai Madu a mying nsang hpe gang shaga ai ni kadai mung, hkye hkrang la ai hkrum na ma ra ai,’ nga ai.

Karai Kasang a galu kaba ai hte hpung shingkang rawng ai Nhtoi garai n du yang, jan gaw nsin chyip rai mat nna, shata mung sai zawn hkyeng mat na ra ai.