Популярні біблійні вірші з रोमियों 4

Поділитись

अरह् ना बै-बिश्वाषी बणियों पंणमिश्वर के बाय्दे गाशी किऐ षक-शुभा करी; परह् बिश्वाष दा पाका रंह्ऐयों पंणमिश्वर के बड़ियाऐ करी; अरह् ऐजो पाको जाँणों के जियों बातो का बाय्दा पंणमिश्वर ऐ करी थुवा, से तेसी बाय्दा पुरा कर्णो के भे शक्त्ति थंह्।

जेष्णों पबित्र-ग्रन्थों दो लिखी थो, के “पंणमिश्वर बुलो, के मुँऐं ताँव भहिती गऐर यहूदी का बाबा बंणाऐ थुवा,” तेसी पंणमिश्वर के नंजरी दा अब्राहम अमाँरे बाबा असो, अब्राहमें तेसी पंणमिश्वर गाशी बिश्वाष करा, जुण्जा मरे अंदे ऊबे जीयाल़ो; अरह् जुण्जी बातो आथी ने, तिनका नाँव से तेष्णों लों, के ऐजी बातो असो ऐ।

तिनू अमाँरे अपराध की ताँईऐं थंम्ब्ड़ाऐ गुऐ, अरह् आँमों पंणमिश्वर की नंजरी दे बै-कसूर बंणाँणों की ताँईऐं ऊबे जीयाल़े भे गुऐ।

अब्राहम ऐ बैजाऐ निराष हंणों गाशी भे, पंणमिश्वर गाशी बिश्वाष करा; ईन्देखे के तेसी बचन के मुताबिक के “तेरा बंष ऐशा हंदा, के से बैजाऐ भहिती गैऐर यहूदियों का बाबा बंण्दा।”

ईन्दी के जाँणें निय्म बिश्वाष गाशी काऐंम असो, के कृपा के मुँताबिक हों, पंणमिश्वर का बाय्दा ना सिर्फ तिनू लोगो खे जुण्जे निय्म का पाल़्ण करह्, परह् तिनू सोभी बंष-पीढ़ी खे असो, जुण्जे आँमों सोभी के बाबा अब्राहम जेष्णें बिश्वाषी हों

“राजा दाऊद ऐ भे ऐजो लिखी थो: भागोईत सेजा जेस्के अपराध माँफ हुऐ, अरह् जेस्के पाप दबाऐं गुऐ। भागोईत सेजा आदमी जेसी प्रभू पापी ने बाँणों।”

पबित्र-ग्रन्थों का बुलो? ऐजो के “अब्राहम ऐ पंणमिश्वर गाशी बिश्वाष करा, अरह् से बिश्वाष शा पंणमिश्वर की नंजरी दा बै-कसूर बंणा।”