Популярні біблійні вірші з Matío 19

Поділитись

Yɛɛ́so á pʉ́ʼɛ menēk ntshí ánɛ pɔ́p, ńdé ŋ́gɛ: «Ajʉɔ anu mɛ́t á gɔ etsyāa áa epuɔ menɔŋ, ŋ́ké ŋgɔ́ á mbū Ndém, mbɔ a kuūʼ á leghʉ ajūɔ tsem. »

Púp, pɔ́ le zéŋ nzɛ́t epuɔ mémpīa á, pɔ́ ecʉ́ʼ á taʼ ŋiŋ. Á épúp tɛ́, ndɛ́ʼ ŋiŋnɔŋ á fakne ajū mīi, Ndém mé temte. »

Yɛɛ́so á pwɛt á mbū pɔ́p ŋ́gɛ: «Pɛ laá ntɔ́ŋ á ntē aŋwaʼne Ndém tɛ njúʼ páʼ, Ndém a le gē enɔŋ ŋgɔŋ, ḿbɔ́ á ŋiŋ mbaŋa pɔ́ menzwí lɛ̄? A le zéŋ ndé ŋ́gɛ: “Melaʼ épúp tɛ́ ŋiŋ mbaŋa a a fú enáŋ tɛ efak nnɛ̄t, ánɛ mɔʼɔ́ yi pɔ́ mɛ́ wɔp, égʉɔ ekwɛ́t nnɛ̄t ánɛ nzwí yi, pɔ́p mémpīa e ekwɛ́tɛ ncʉ́ʼɛ á taʼ ŋiŋ.”

Yɛɛ́so á lé mé pɔ́p ŋ́gɛ: «Pɛ etshī ewɔŋkhʉ̄ pwɔ̄ néŋ. Ndɛ́ʼ pɛ ezéŋ ntɔ̄ʼ á wɔ́p á leshʉʼ á mbū meŋ, melaʼ mīi lepɔŋ ánɛ Lefɔ Ndém, é mbū epuɔ pīi é páʼ pɔ́p lā. »

Epuɔ tɛ nzá pīi pɔ́ é tsetsɔŋɔ, ŋ́gɔ́ megaŋ mvhɔ, pɔ́ e shʉʼ ecʉ́ʼ mezoknzem. Epuɔ tɛ nzá pīi pɔ́ é mezoknzem, e ecʉ́ʼ megaŋ mvhɔ.

Ŋiŋ ntsem yīi, a á tshi mba zi nnéŋ, ńtshī epɔ̄ memía pí, épi wɔnzwí mbɔɔ epi mbaŋa nnéŋ, ŋ́gwáʼ á mɔʼɔ́ yi, ŋ́gwáʼ á mɛ́ wɔp, ŋ́gwáʼ ewɔŋkhʉ̄ pí mbɔɔ meŋkāʼ mí melaʼ má, a a shʉʼ ewɛ ecʉɔ etsō mɛ́t tɛ e ezá ntɔ́k. Ndém a epiŋ ŋghʉ̄, pɔ́ yí mé ecʉ́ʼɛ mbúu nnáŋa.

Yɛɛ́so á lé á mbū yí ŋ́gɛ: «O nɔŋ ŋkɔ̄ŋɔ á wú á lepū ŋgɔ́ te alɔ́ʼ, o egʉ̄ɔ eswīŋ ajūɔ tsem zīi o wɛ̄ɛ, ŋ́gyá ŋkāp á mbū wɔ te kuʼ ánɛ azō, éfú ŋgwɛ̄ á mía ntaŋá á athʉ́ lephū. Ghʉ épúp, ḿbiŋ eshʉ̄ʼ ńtsé á nzem meŋ. »

Yɛɛ́so á pwɛt á mbū yí ŋ́gɛ: «Melaʼ akɔ̄ o zɛ́ttɛ á gá anu, ánɛ leghʉ ajū mīi á mbɔŋ ŋ̄? Ndaʼ taʼ ŋiŋ mé éwú, ŋ́gɔ́ á ŋghʉɛ‑anu mbɔŋ. O nɔŋ ŋkɔ̄ŋɔ á wú á lefū ntā á lezēŋ Ndém, o ekúʼte mbé Ndém. »

Meŋ a zéŋ eshúŋ á wɛ́ leswhī leswhī egɛ, á zaŋneē tɛʼ á mbū shamo, á letɔ̄k ánɛ lephʉ̄ leswáʼ, ńtsyā á ŋgaŋ lewūʼ á levēŋ ŋ́gɛ, Ndém mé ecʉ́ʼɛ esáʼa á yí, tɛ a eláʼ ŋgwɛ̄ lepɔŋ ánɛ Lefɔ Ndém. »

Meŋ ké eshúŋɔ á wɛ́ ŋ́gɛ, ŋiŋ a juŋɔ á nzwí yi, té gɔ́ yīi menzwí mɛ́t a á ghʉ agā, ḿbīŋ nnéŋ mmɔʼ á ŋgyā, mbɔ ŋgaŋ a á ghʉ agā. »

Yɛɛ́so á lé á mbū nnɔ yí ŋ́gɛ: «Kwaʼ anuúnē meŋ shúŋɔ á wɛ́ ŋ́gɛ, á teē tɛʼ á mbū ŋgaŋ lewūʼ, á levēŋ ŋ́gɛ, Ndém mé ecʉ́ʼɛ esáʼa á yí, tɛ a eláʼ ŋgwɛ̄ lepɔŋ ánɛ Lefɔ Ndém.